Carrín vaciu
Preciu impuestos incluíos
N’El pesu de la lluz, el segundu llibru de poemes de Gonzalo G. Barreñada, hai un movimientu continuu que camina de dientro a fuera. Muévese dende l’espaciu íntimu de la casa a llugares abiertos pelos que rolda como un modernu poeta-flâneur.
Los poemes que componen El centinela son la crónica d’un viaxe vital onde les estaciones márquenles non los sitios, sinon les persones, los alcuentros físicos y les distancies emocionales con esos otros que representen el suañu y la promesa pero tamién la decepción.
Les voces d’estos Poemes del amor simétricu percuerren los escenarios de l’afectividá y la carnalidá nun diálogu de dos corporeidaes iguales: equí, home y home. Nellos too quier ser esclarecío, too s’enseña y ye lluz.
Obra mayor na poesía d’Héctor Pérez Iglesias, Dende tan lloñe ye un llibru abigarráu y reiterativu, vibrante y sentenciosu, herméticu y paradóxicu.
Con un léxicu ricaz y precisu, un ritmu áxil y entecortáu y una estructura discontinua y circular, l’autor configura esti llargu poema, intensu, que bebe na fonte escura del inconsciente, anque ensin perder l’aldu de la realidá del mundu.
La poesía d’Ángeles Carbajal constrúise dende la observación y la reflexón emocionada. Asina, los poemes d’Un vasu d’agua (Premiu «Xuan María Acebal» de poesía 2016) tán escritos cola mirada, al tactu de les hores reposaes nes que’l mundu parez un paisaxe maraviyosu y al mesmu tiempu enllén del inquietante misteriu del vivir.
Nesti nuevu poemariu, Little Babilonia, col qu’algamó’l XXIII Premiu «Xuan María Acebal» de Poesía 2017, Suárez fai por tresmitir, col so habitual desenfadu dacuando enfadáu, una mirada crítica pa colo cotidiano dende los márxenes d’occidente.
El caballu, escritu hacia 1707, ye un poema singular dientro de la lliteratura asturiana, plenamente barrocu. Ensin antecedentes nin consecuentes nesta lliteratura, ye una xoya vivísima de la descripción y del llinguaxe.
Ye esti un poemariu distintu, grave y sentimental. Xuan Bello foi siempre poeta d’aguda sensibilidá y fondu conocedor del ser humanu, cabalmente consciente nesta obra del pasu del tiempu, de la muerte y del dolor qu’esta produz, que namás l’amor ye a dilir.
Reflexones d’un cuerpu opacu ye’l segundu poemariu d’una autora que llegó al mundu de la lliteratura asturiana pa traer aire nuevo.
Trenta y seis poemas forman Na palma da túa mao, primeiro poemario en gallego-asturiano de Conchita Álvarez Lebredo, escrito con llingua pulcra y xinxella en versos curtios que forman poemas de xeito, as máis das veces, narrativo y de llargor considerable.
Trenta y dos poemes formen La deuda, primer poemariu n’asturianu d’esta poeta avilesina yá propietaria d’una voz personal y d’una obra conocida y apreciada en castellanu.
Tayu (Premiu «Xuan María Acebal» de Poesía 2020) ye’l segundu llibru d'Alejandro Fernández-Osorio n’asturianu depués de Magaya. Pensáu como la siguiente posa nuna obra sele y firme que busca remirar l’Asturies na que se cría, compónse a camín ente la poesía y l’ensayu. Nesti casu detenémonos na mina como casa y mitu familiar; nel tayu (y la so polisemia)...
Otra vuelta, Héctor Pérez Iglesias arriesga y gana l’apuesta: Horizonte de socesos ye un poemariu honestu, fondu, derrompedor de caminos.
Les travesíes del nómada ye un poemariu que naz del gustu polo clásico, que remembra a Virxilio, pero tamién a Asturica y a la güela del poeta y al Begijhof qu'abellugó ente'l silenciu y la calma muyeres firíes d'una y d'otra manera...
El título del poemario nos remite de manera directa al lamento del Segismundo calderoniano: «...el delito mayor del hombre es haber nacido». Es este y no otro el meollo de esta poesía descreída, nihilista, corrosiva, lúcida y mordaz. No hay pena bastante que pague el delito que es vivir.
Premio Asturias Joven de Poesía, 2021.
Pexe les manes ye un poemariu anfibiu y marín, onde la mar enllena la infancia y la memoria del yo qu'escribe. Simbolistes, metafóricos, delles veces caligrama puro, los poemes van dando cuenta d'una vida y una cultura, d'un mundu en simbiosis, cuando perfecta cuando non, col agua salao del Cantábricu.
El mar que m’enchumaza é el primeiro poemario publicao. Escribe poemas al xeito más clásico y a presencia del mariaxe marineiro sempre aparece en todo este feito.
El saber del país recueye ventiún poemes esbillaos de distintos llibros de John Berger y qu’ufren a les llectores versos que falen de la memoria campesina y de la emigración rural a la ciudá, versos qu’afonden nes vides anónimes de xente llabriego y ganadero y nel pasáu artesanu arrequexáu pol progresu tecnolóxicu.
Mazanes d’iviernu ye l’últimu poemariu de Xabiero Cayarga, col que foi a ganar el Premiu de Poesía «Teodoro Cuesta» nel añu 2020, el del andanciu y el confinamientu.
«Cantar de ti mesma ye l’últimu llibru d’un autor esencial pa comprender la lliteratura asturiana del presente sieglu. Depués d’Allumamientu (2019) y xuncíu a esti como una estensión d’una propuesta vitalista qu’estiende los dos hitos esistenciales que son nacimientu y muerte, nesti casu Pablo Texón garra ente les manes la muerte de la madre dende un...
Rosada 3.0. Monólogu interior con alumnos al fondu, Premiu «Fernán-Coronas» 2021, fai referencia yá dende’l títulu a una nueva manera d’entender la escritura, la fala y hasta’l mundu. Nuna especie de diariu poéticu, el yo que fala va contando al alumnáu los cambios que se dieron na vida, nes llingües y l’usu d’estes na cultura popular.
Memoria del futuru, de Carlos Rubiera, ye un exerciciu puru de madurez: poemes densos, condensaos, auténticos, a la manera d’Acebal, el gran poeta asturianu del sieglu XIX.
Cartes al treslluz, Premiu «Teodoro Cuesta» 2022, ye un poemariu a dos voces: la que vien del padre y llega al fíu y la que sal d'esti y va pal padre.
Dividíu en tres partes («La edá del l.l.imiagu», «La edá del guepardu» y «La edá del buei»), esti poemariu ye la obra d'un home yá fechu, maduru, cola memoria enllena y los movimientos cansos y lentos del buei. La edá de la memoria, editáu en versión billingüe asturianu-castellanu, ruempe con más d'una década de silenciu poéticu del autor.
Premio Asturias Joven de Poesía, 2022.«¿Qué ye lo que saben los árboles, cola so paciencia vexetal, llantaos, inmóviles, nel centru mesmu del so propiu mundu? Podemos pensar que son seres espertos nel pasu del tiempu, nel ritmu cada vez menos precisu de les estaciones y que conocen a la perfección la tierra y la semiente de la que biltaron.
Esti sitiu usa cookies pa qu’esfrutes de la meyor esperiencia d’usu. Si sigues navegando, atalantamos qu’aceptes les mentaes cookies y la nuestra política al rodiu d’elles. Da-y al enllaz | close |