Pensar asturiano. (Ensayos programáticos de sintaxis asturiana)

Xulio Viejo Fernández

978-84-8053-487-1

  • Edición: Primera
  • Páxines: 522
  • Fecha d'actualización: 29/12/2009
  • Formatu: 14 x 21,5 cm
  • Idioma: en llingua asturiana
  •  

    23,00 € Impuestos incluíos

    Ediciones Trabe

    Pensar asturiano quier contribuyir a emburriar y renovar los estudios de sintaxis del asturianu proponiendo un modelu descriptivu abiertu y reflexivu.

    Más detalles

La sintaxis ye un componente esencial de la gramática d’una llingua, el que la dexa desenvolver les sos grandes virtualidaes como ferramienta d’adquisición, creación y comunicación de conocimientu. Sicasí, ello nun se tradució nos estudios asturianísticos nuna atención siquier asemeyada a la que sí tienen merecío otros aspectos de la llingua asturiana como la dialectoloxía, la evolución histórica o les cuestiones de fonética o de léxicu. A lo más, el conocimientu teóricu de la sintaxis asturiana vieno acutáu, sobremanera, en cuestiones de morfoloxía, esto ye: nel aspectu puramente formal de les relaciones ente les palabres presentes nuna oración, ensin buscar tanto otres claves, como les pragmátiques y les semántiques, previes y esenciales na conformanza de los patrones relacionales sobre los que se dispón l’enunciáu.

Pensar asturiano quier contribuyir a emburriar y renovar los estudios de sintaxis del asturianu proponiendo un modelu descriptivu abiertu y reflexivu que, ensin servidumes d’escuela pero dende una visión actualizada de la teoría llingüística, dexe ver (n’as-turianu y nel asturianu) los mecanismos colos que la intelixencia humana esperimenta’l mundu y lu comunica al serviciu de les específiques perspectives étiques de los falantes.

Xulio Viejo Fernández (Uviéu, 1968) ye profesor de la Universidá d’Uviéu, escritor n’asturianu y investigador rigurosu._x000D_ Como creador tien publicaos un llibru de cuentos, Les falcatrúes del demoniu (1992); un poemariu, Les etimoloxíes del silenciu (1997); y dos noveles, Na llende del condicional perfeutu (1995) y Los araxales de la vida (2001). Escritures perifériques (2000) ye una antoloxía de la so obra creativa.

De resultes del so llabor investigador nacen les obres Relatos asturianos medievales del sieglu XII (2003), La formación histórica de la llingua asturiana (2003), que foi traducida en 2005 al castellanu, y Llingua y cultura lliteraria na Edá Media asturlleonesa (2004).

Productos asemeyaos

Product successfully added to the product comparison!