Llingua, clase y sociedá
Rafael R. Valdés
978-84-8053-511-3
- Edición: Primera
- Páxines: 368
- Fecha d'actualización: 29/12/2009
- Formatu: 14 x 21,5 cm
- Idioma: en llingua asturiana y castellana
15,00 € Impuestos incluíos
Impuestos incluíos
Actes del Seminariu «Llingua, Clase y Sociedá», celebráu na Universidá d´Uviéu ente los díes 27 y 30 de marzu de 2006.
A pesar d’existir un debate social sobre la relevancia de la dimensión de clase tocante les maneres d’establecer convenciones que fixen les formes cultes y incorrectes d’una llingua o, en situaciones de billingüismu, a cómo esti factor se convierte en marcador de clase; a pesar d’haber el consensu de que les llingues más p’allá de ser ferramienta de comunicación desenrollen un papel nes rellaciones sociales, nun había esperiencies onde investigadores de distintes ciencies y disciplines participaran en xunto nun mesmu espaciu de trabayu al envís d’analizar la dimensión social d’ún de los elementos que caltericen y definen el ser humanu: el llinguaxe.
El Seminariu Llingua, Clase y Sociedá, celebráu na Universidá d’Uviéu ente los díes 27 y 30 de marzu de 2006, supo poner en contactu filólogos, historiadores y sociólogos y facer qu’hubiera alderique y intercambiu d’idees. Amás, foi a que les ponencies se centraran sobre manera nel usu idiomáticu distintu que se da ente les clases populares y la vanguardia del movimientu obreru y nel analís d’actitúes, mentalidaes y ideoloxíes llingüístiques, derrompiendo caminos nuevos y necesarios. Y esti llibru ye resultáu directu d’aquel Seminariu, ufiertando al públicu xeneral les ponencies qu’ellí se lleeron, a cargu de dalgunos de los meyores investigadores y profesores de les distintes disciplines dende les que s’analizó’l fechu llingüísticu y la so dimensión social.
_x000D_ _x000D_
Productos asemeyaos
