Cristina Muñiz Martín
978-84-8053-490-1
11,00 €
Primera novela de Cristina Muniz Martín, ye la historia d’una llucha, de la llucha pola vida.
¡Últimes unidaes!
Fecha de disponibilidá
Ventiocho díes, primera novela de Cristina Muniz Martín, ye la historia d’una llucha, de la llucha pola vida. Vivir o morrer ye’l dilema que Teo, tres ventiocho años en coma, ha decidir en ventiocho díes. Siguir siendo un muertu viviente o morrer dafechu. _x000D_ Parábola de la vida, metáfora de la muerte, Ventiocho díes sabe mantener la tensión en quien s’adientra peles sos páxines dures y al empar amables, buscando peles vueltes de la vida, lo que la fai digna de vivila y, a la contra, lo que pue facer al ser humanu naguar por dexar el mundu.
Cristina Muñiz Martín (Xixón, 1953) ye, amás de narradora, creadora de monólogos, escritora de guiones radiofónicos y amante del teatru. Nesta mesma editorial tien publicaos dos volúmenes de cuentos (Onde pisen poques güelles, 2005 y El buscador d’hestories, 2007) y dellos monólogos nel llibru conxuntu Ente muyeres (2007).
Esti sitiu usa cookies pa qu’esfrutes de la meyor esperiencia d’usu. Si sigues navegando, atalantamos qu’aceptes les mentaes cookies y la nuestra política al rodiu d’elles. Da-y al enllaz | close |