Na quinta estación
Carmen Gómez Ojea
978-84-8053-510-6
- Edición: Primera
- Páxines: 232
- Fecha d'actualización: 29/12/2009
- Formatu: 13 x 20 cm
- Idioma: en llingua asturiana
11,00 € Impuestos incluíos
Impuestos incluíos
Primer novela de Carmen Gómez Ojea escrita n`asturianu.
Refuxáu de sigo mesmu en Belloré –aldea asitiada nel corazón del África negra, guapa como un suañu y de vida aparentemente pacetible–, Ticianu, el protagonista d’esta complexa novela narrada a dos voces, va desgranando la so historia, na que’l pasáu d’home cruel y dañín marca’l presente y va determinar el futuru d’él y de quien lu arrodia.
Pa Ticianu, ecritor d’horrores con tresfondu políticu bien conocíu na España de los años 80, Belloré ye la quinta estación, esi tiempu onde viven los neños ensin tiempu, onde habiten los adultos que nun busquen otro qu’afuxir de sigo mesmos y escaecer tol mal que fixeran. Paraísu y infiernu aúnense nesta novela nel destín del protagonista, que, buscando penitencia y castigu, alcuentra comprensión y silenciu.
Carmen Gómez Ojea (Xixón, 1945) ye escritora de reconocíu prestixu y abondosa obra narrativa, ente la que destaquen Otras mujeres y Fabia (1981), Cantiga de agüero (1982), La novela que Marien no terminó (1988), La niña de plata (1993), El diccionario de Carola (1996), Nunca soñé contigo (2000), Ancila en los fuegos (2005), Haches mudas (2006) o El último verano en Charenton (2008). La so faceta poética ta recoyida nel llibru En la penumbra de cuaresma (1993). Collaboradora habitual en dellos periódicos asturianos, nesta mesma editorial tien publicaos el llibru infantil Cancios pa neñ@s esconsoña@s (2004) y la novela xuvenil El nome de Roselina (2005).
Productos asemeyaos
