La cafiante muerte de Nicolai Bostov

José Ángel Gayol

978-84-19358-12-7

  • Edición: Primera
  • Páxines: 156
  • Fecha de publicación: 27/10/2022
  • Formatu: 17 x 24 cm
  • Idioma: Asturianu
  •  

    15,00 € Impuestos incluíos

    Ediciones Trabe

    La nueche na que’l violonchelista Nicolai Bostov morrió nun hotel de poca monta, la vida d’Eufrasio, Frasi pa los amigos, programador cultural d’un llugar onde manda la corrupción, va cambiar yá pa siempre.
    Premiu «Xosefa Xovellanos» de Novela 2021.

    Más detalles

La nueche na que’l violonchelista Nicolai Bostov morrió nun hotel de poca monta, la vida d’Eufrasio, Frasi pa los amigos, programador cultural d’un llugar onde manda la corrupción, va cambiar yá pa siempre. Porque como bien diz la cita de Lucio Anneo Seneca qu’abre la novela «Na adversidá convién munches vegaes tomar un camín atrevíu». Y eso ye lo que fai Frasi ente l’esbarrumbu xeneral de la so vida y de la vida de la población onde se dexa vivir y onde suaña a lo xole con marchar porque nun ye a ello.
Un muertu, una vida económica, social y de pareya en peligru; una sociedá qu’apodrez a cada minutu, onde nada ye lo que paez, nun siendo lo gris del paisaxe y del paisanaxe. Y en medio de too, aquel malditu violonchelista que discurrió en morrer cuando y onde nun había facelo. Y agora, ¿qué, Frasi?
La cafiante muerte de Nicolai Bostov, en palabres del xuráu que la premió, «ye una sátira social con un ritmu narrativu bien llográu que retrata la sociedá asturiana de finales del sieglu xx con humor esperpéntico, y too ello espresao con un rexistru llingüísticu de muncha calidá y naturalidá».

José Ángel Gayol (Mieres del Camín, 1977) ye escritor y críticu lliterariu. Llicenciáu en Derechu y n’Antropoloxía Social y Cultural, y máster n’Historia y Análisis Sociocultural, ye autor d’otres dos noveles (Argonautes, 2007; La xeometría secreta del azar, 2020), un volume de cuentos (Los cuerpos celestes, 2021), cuatro poemarios (Los poemes del oriental, 2013; El llibru de les coses misterioses, 2013; Los suaños y los díes, 2014; Una selmana y otros díes, 2015), tres ensayos (Vértigu, 2016; El silenciu invisible, 2020; y Exercicios d’asturianu, 2016) y dos volúmenes de diarios (En primera persona, 2019, Premiu de la Crítica d’Asturies de narrativa n’asturianu; y Les mudances del tiempu, 2022). Con El llibru de les coses misterioses (2013) foi ganador del Premiu «Xuan María Acebal» de Poesía, y los sos ensayos Vértigu y El silenciu invisible foron gallardonaos col Premiu «Máximo Fuertes Acevedo» d’Ensayu nos años 2015 y 2019. Con La cafiante muerte de Nicolai Bostov ganó’l Premiu «Xosefa Xovellanos» de Novela 2021.

Productos asemeyaos

Product successfully added to the product comparison!