La lloca de Dublín y otros cuentos
Carlos Rubiera
978-84-10345-50-8
- Edición: Primera
- Páxines: 216
- Fecha de publicación: 15/05/2025
- Formatu: 13 x 20 cm
- Idioma: Asturianu
15,00 €
La lloca de Dublín y otros cuentos ye un volume que reúne diez narraciones distintes pero interrellacionaes ente sigo por aciu de distintos personaxes que van apaeciendo de cuentu en cuentu.
La lloca de Dublín y otros cuentos ye un volume que reúne diez narraciones distintes pero interrellacionaes ente sigo por aciu de distintos personaxes que van apaeciendo de cuentu en cuentu. Narraciones que van dende’l «clasicismu llocu» del Quixote (la so llectura fai llegar a la llocura a un fraile, a un nenu y a un ama) a la más popular de calter oral, nes que personaxes reales andulien per ella con nome propiu (Berto Peña, Pablo Ardisana, Aurelio de Llano Roza de Ampudia, Evaristo Casariego…) o como trasuntu bien reconocible, inclusive del propiu autor. La lloca de Dublín y otros cuentos presenta una estructura circular nuna vuelta de tuerca na que l’últimu cuentu, «Periodismu d’investigación», fai enllazar a los más de los personaxes qu’apaecen n’otres pieces del llibru: Llarina Álvarez, la periodista; Carlos Ribera, l’escritor; Jean Paul Morlaix (Peter Talley), el terrorista; Xicu La Llana, marineru frustráu d’agua duce; l’adivina de Riosa… Nun ye despreciable la capacidá descriptiva del autor nalgunos de los cuentos mesmo que l’aciertu na construcción d’ambientes de l’Asturies (y la España) de los años cuarenta, ochenta y noventa.
Carlos Rubiera Tuya (Caldones, Xixón, 1956) ye músicu y compositor, académicu de l’Academia de la Llingua Asturiana, asturianista activu, políticu y escritor posáu mesmo en prosa qu’en versu. Miembru de Conceyu Bable, conformó nos años setenta del sieglu XX el movimientu musical asturianu conocíu como Nueu Canciu Astur. Tien publicada una novela (Ñublu de mar y de distancia, 1983), dos volúmenes de cuentos (Cuentos de tres la guerra, 1981; y Cuentos de bona oreya, 1988) amás de dos poemarios (Venti sonetos de la vida y la muerte, 1999, y Memoria del futuru, 2023). Amás d’ellos, publicó un poema satíricu (Romance de la boroña preñada, 1985) y un relatu infantil (Vida y aventures de Musín, 1982). Nel 1980 foi a ganar el Premiu Juan Uría Riu col ensayu en castellanu La cultura asturiana, presente y perspectivas.
Productos asemeyaos
