Siete vides (Memories d'un home sulu)
Joaquín Fernández García
84-1897-117-7
- Edición: Primera
- Páxines: 424
- Fecha d'actualización: 17/12/2009
- Formatu: 13 x 20 cm
- Idioma: en llingua asturiana
14,00 € Impuestos incluíos
Impuestos incluíos
La novela nos lleva a un escenariu nuevu na narrativa de Joaquín Fernández García; retrata de forma maxistral la vida del emigrante.
Escosáu
Si nes anteriores obres Joaquín Fernández echaba mano del so conocimientu etnográficu d’Asturies pa retratanos la vida nos pueblos asturianos, nesta impresionante novela preséntanos, cola mesma soltura narrativa ya igual despliegue documental de siempre, la otra cara de la vida tradicional asturiana: la de la emigración a América nos años finales del sieglu XIX y primeros del XX.
Andresín, el protagonista, ye un nenu del altu Ayer qu’algama sonadía como saludador y que más tarde, yá descreyíu de los sos poderes, marcha pa Cuba, onde trunfa, alcuentra la fe en Dios y faise cura, desdexando tolo humanamente deseyable. Pero’l personaxe, yá adultu, nun ye un home al usu y, ente aventures y desventures, abandona la vida relixosa y termina —«viiyu, sulu, viviendo de la caridá y a bien cumigo mesmu»— nes tierres de la infancia como andariegu y sabiu mendigu, al empar qu’echa los últimos díes n’escribir les sos memories.
Contada a la manera de les grandes narraciones realistes del sieglu XIX, Siete vides nun ye solo un percorríu pela emigración, sinón que constitúi un viaxe pela peripecia vital d’un home inquietu, descreyíu y solitariu, qu’alcuentra la serenidá nel desposeimientu material y afectivu.
JOAQUÍN GARCÍA (Uviéu, 1945), médicu y reconocíu etnógrafu, ye un autor prolíficu que cuenta con numberosos llectores per toa Asturies. N’Ediciones Trabe tien publicaes otres obres de gran interés, siempre al rodiu de les creencies y lleendes asturianes sobre dellos animales emblemáticos de la fauna autóctono (Coses d’osos —1993—, Maldaes de llobos —1996—) o sobre mitoloxía y creencies populares (Fito nel país de los gorretinos —1994—, Gene, la xana que quixo ser madre —1998—).
Productos asemeyaos
