Según cumple'l día
Xuan Santori
978-84-8053-798-8
- Edición: Primera
- Páxines: 56
- Formatu: 14 x 21 cm
- Idioma: en llingua asturiana
8,00 €
Más entregáu nos últimos años a la prosa y al estudiu de la lliteratura asturiana, Xuan Santori nos apurre agora un poemariu nuevu col que foi a ganar el Premiu «Elvira Castañón» na convocatoria del 2008.
Más entregáu nos últimos años a la prosa y al estudiu de la lliteratura asturiana, Xuan Santori nos apurre agora un poemariu nuevu, Según cumple'l día, col que foi a ganar el Premiu «Elvira Castañón» na convocatoria del 2008. Y nueves son les formes d'escritura al respective de los anteriores poemarios del autor: cenciellez espresiva, concisión y claridá léxica y sintáctica amuesen el derromper d'un camín novedosu. De norabona tamos quien nos presta y siguimos la poesía cola recuperación d'ún de los poetes más personales de la última lliteratura asturiana, qu'ufierta una pequeña xoya poética a quien quiera saboriala.
Xuan Santori (Uviéu, 1968) ye autor de dellos poemarios (Zunes, 1998; Les inconveniencies de la especie, 2000; y Bis a bis, 2004), así como d'una obra en prosa miscelánea repartida en dos volúmenes (La heredá, 2005 y La fábrica de lluz, 2008). De resultes de la so xera como estudiosu de la lliteratura asturiana y la so influencia na estandarización y normalización llingüística son les obres Milenta voces. Visiones del surdimientu (2006) y El surdimientu y la lliteratura n'asturianu: normalización y estandarización (2013).
Productos asemeyaos
