Bebi d'esta poza
Ricardo Candás
978-84-10345-02-7
- Edición: Primera
- Páxines: 64
- Fecha de publicación: 13/08/2024
- Formatu: 14 x 21 cm
- Idioma: Asturianu
14,00 €
Esti poemariu ye una poza onde a quien-y pruya pue averase a beber d’ella cuantes vegaes considere. Poza que llucha escontra l’escaezu, escontra la malura que s’escuende nel volumen del silenciu.
«Esti poemariu ye una poza onde a quien-y pruya pue averase a beber d’ella cuantes vegaes considere. Poza que llucha escontra l’escaezu, escontra la malura que s’escuende nel volumen del silenciu, escontra les circunstancies feches a semeyanza del inclín turbiu de la llaceria.
A quien llea estos versos agora, a quien faiga esnidiar los güeyos peles rengleres equí inoculaes como un besu, entrúgo-y cuánta realidá perdió y ta esperando entá inyectada na memoria, aú empobinar la mirada tres la muerte, cómo ye la solitú indómita que s’escuende nel so corazón. Nun ye intención de mio ufrir respuestes, namás equí hai caminos qu’hasta yo desconozo, ferramienta pa esbrozar la memoria, agua colo qu’apagar el secañu qu’arrodia l’horizonte».
Ricardo Candás (Xixón, 1977) ye llicenciáu en Filosofía pola Universidá d’Uviéu. Anguaño pon clas n’Educación Secundaria en Cantabria. Tien publicaos los poemarios Quiciás seya payares (2006), Nos díes pensatibles (2011), Naufraxos (2013) y Superficie del silenciu (2014), amás de Les últimes pallabres (Compilación de rellatos) nel 2010. Cola novela Aire mugoriento (2024) non namás rompió un silenciu si non creativu, sí de publicación, de más de 10 años y con ella foi a ganar el III Premiu de Novela Curtia «Andrés Solar Santurio» na convocatoria del 2023. Como poeta tien ganao los premios más prestixosos de les lletres asturianes: «Fernán-Coronas» 2005, Creación Lliteraria «Llorienzu Novo Mier» 2010, «Nené Losada Rico» 2011 y «Xuan María Acebal» 2013.
Productos asemeyaos
