Cien años de Filoloxía Asturiana. 1906-2006. Actes del Congresu Internacional

Xulio Viejo Fernández

978-84-8053-530-4

  • Edición: Primera
  • Páginas: 280
  • Fecha actualización: 17/12/2009
  • Tamaño: 15,5 x 21,5 cm
  • Idioma: en llingua asturiana y castellana
  •  

    20,00 € impuestos inc.

    Ediciones Trabe

    Esti llibru recueye la mayor parte de les comunicaciones que fixeron parte del conteníu académicu del Simposiu «Cien Años de Filoloxía Asturiana (1906-2006). Centenariu de la publicación de El dialecto leonés de Ramón Menéndez Pidal».

    Más detalles

En 1906, Ramón Menéndez Pidal publicó sol títulu El dialecto leonés, la obra que podía bonamente considerase fundacional de la Filoloxía Asturiana. Anque breve n’estensión, Menéndez Pidal faía ende una axustada síntesis del conocimientu llingüísticu algamáu yá daquella sobre l’asturianu y proponía un ambiciosu programa d’investigación empuestu yá per métodos estrictamente científicos, al abelugu de la entá naciente Filoloxía Románica.

Cien años depués, los estudios de Filoloxía Asturiana viven un momentu d’importante desarrollu tanto cuantitativu como cualitativu nel que, sicasí, la herencia pidaliana, nos sos llogros y tamién nes sos limitaciones, faise de notar condicionando tanto l’estrictu análisis filolóxicu como la propia percepción sobre la nuesa realidá llingüística. A esti sen, el Simposiu Internacional «Cien Años de Filoloxía Asturiana» pretendió entamar, dende l’homenaxe y la reconocencia a un maestru y a una obra fundamentales nos estudios asturianos, un nuevu balance críticu sobre la nuesa tradición filolóxica, y la so proyección hispánica y románica, col envís tanto d’actualizar l’estáu de los conocimientos como de derromper nueves perspectives d’investigación y reflexón sobre una llingua románica qu’encara, na mesma antoxana del sieglu XXI, un momentu históricu decisivu.

El Simposiu «Cien Años de Filoloxía Asturiana (1906-2006). Centenariu de la publicación de El dialecto leonés de Ramón Menéndez Pidal» celebróse na Facultá de Filoloxía de la Universidá d’Uviéu ente los díes 9 y 11 d’ochobre de 2006. Esti llibru recueye la mayor parte de les comunicaciones que fixeron parte del conteníu académicu del Simposiu, anque por distintes circustancies nun foi posible recoyer delles otres que, sicasí, van ser oxetu de publicaciones independientes. Con ello, el Seminariu de Filoloxía Asturiana pretende ofrece-y al públicu un volume que-y permita un averamientu xeneralista, actualizáu y quitu de prexuicios al conocimientu llingüísticu referíu a esi ampliu espaciu peninsular que Menéndez Pidal acutara so la etiqueta de leonés y que, un sieglu depués, caltién la mesma importancia referencial ya interés que’l gran maestru de la Filoloxía Hispánica yá s’alcordara d’atribui-y dende les sos pioneres investigaciones.

Productos relacionados

Product successfully added to the product comparison!