L'eusquera y l'asturianu nes xergues secretes d'Asturies
Ramón d'Andrés Díaz-Madariaga
978-84-10345-56-0
- Edición: Primera
- Páginas: 194
- Fecha de publicación: 08/06/2025
- Tamaño: 15,5 x 21,5 cm
- Idioma: Asturianu
15,00 € impuestos inc.
impuestos inc.
Nesti llibru, Ramón d’Andrés, llingüista de la Universidá d’Uviéu, describe esi palabreru secretu de les xergues gremiales d’Asturies, centrándose nel papel del eusquera y del asturianu.
N’Asturies existen ocho xergues secretes, siendo les más conocíes la xíriga de los teyeros llaniscos y el bron de los caldereros de Miranda d’Avilés. Trátase de llinguaxes, basaos nel asturianu, que solo conocíen los miembros d’un gremiu, de manera qu’al falar nun los entendía la xente ayeno al grupu. El so carácter secretu basábase en dellos cientos de palabres incomprensibles. Esto llográbase gracies a dos procedimientos: desfigurar y revirar la forma y el significáu de palabres asturianes conocíes; y facese con palabres desconocíes d’otres llingües, qu’amás tamién podíen desfigurase. Ente estes llingües, destacaba l’eusquera. Les xergues gremiales asturianes tienen gran cantidá de palabres vasques, sobre manera les del oriente. Nesti llibru, Ramón d’Andrés, llingüista de la Universidá d’Uviéu, describe esi palabreru secretu de les xergues gremiales d’Asturies, centrándose nel papel del eusquera y del asturianu.
Ramón d’Andrés Díaz (Madrid, 1959), fíu del escritor Manuel d’Andrés, Mánfer de la Llera, ye profesor titular de Filoloxía Española y Asturiana na Universidá d’Uviéu. Foi corredactor de les Normes ortográfiques y del Diccionariu de la llingua asturiana, y ponente de la Gramática de la llingua asturiana, obres de l’Academia de la Llingua Asturiana. Miembru de númberu de la mesma y correspondiente del Real Institutu d’Estudios Asturianos. Coordina’l grupu d’investigación Seminariu de Filoloxía Asturiana, de la Universidá d’Uviéu. Miembru de la Xunta Asesora de Toponimia del Principáu d’Asturies. Ente los sos llibros figuren: Diccionariu temáticu de la llingua asturiana (1991), Encuesta sociollingüística nuna parroquia asturiana (Deva-Xixón) (1993), Gramática práctica de asturiano (1997), Cuestiones d’asturianu normativu (2001-2003), Juicios sobre la lengua asturiana. Algunas cuestiones básicas acerca del debate lingüístico en Asturias (2002), Diccionario toponímico del concejo de Gijón (2008), Lengua, ciencia y fronteras (coordinador, 2011), Gramática comparada de las lenguas ibéricas (2013), Averamientu a la llingua asturiana (2019), Diccionariu de consultes llingüístiques del asturianu (2021) o Una ciencia sin enfotu. Ensayu sobre la deserción social de la llingüística científica (2022). Coautor, xunto con Fernando Álvarez-Balbuena, Xosé Miguel Suárez y Miguel R. Monteavaro, de la obra Estudiu de la Transición Llingüística na zona Eo-Navia, Asturies (ETLEN). Atles dialectográficu-horiométricu-dialectométricu (2017).
Productos relacionados
