Carretera ensin barru
Naciu Varillas
84-8053-379-x
- Edición: Primera
- Páginas: 232
- Fecha actualización: 17/12/2009
- Tamaño: 13 x 20 cm
- Idioma: en llingua asturiana
10,00 € impuestos inc.
impuestos inc.
Con una prosa áxil, cenciella y fresca, Naciu Varillas compón una novela ambiciosa, na que’l desaniciu del mundu rural ye l’asuntu central.
L’indianu Ánxel Santianes de Rozada nunca pensara que diba perder la segunda de les apuestes qu’echara col so collaciu Carlos al salir de casa pa facer les amériques. Tampoco que diba acabar morriendo en medio l’océanu ensin tornar a Les Ablanales, el pueblu que lu viera ñacer, pa disfrutar de la casería que lu taba esperando y que se mercara coles perres que fuera mandando. Y muncho menos que la so muerte diba trayer una maldición pa tolos sos descendientes, hasta los díes d’anguaño.
Con una prosa áxil, cenciella y fresca, Naciu Varillas compón una novela ambiciosa, na que’l desaniciu del mundu rural ye l’asuntu central. Al rodiu d’Ana, una moza que torna dende Madrid a Les Ablanales naguando por afayar dalgo que-y dea sentíu a la so vida, vamos dir conociendo una bayura personaxes bien perfilaos y el so enfrentamientu colos planes urbanísticos que quieren destruyir el pueblu y la so forma de vida, hasta acabar nuna espiral d’amor, llocura, incestu y ambiciones qu’algama un final inesperáu.
Una novela moderna, que trata un tema de rabiosa actualidá, pero prácticamente escaecíu hasta agora na nuestra narrativa, entevenada con un puñáu de cuentos que nun son un añadíu más pol caprichu del autor, sinón que van dir apurriéndomos delles claves pa entender la hestoria principal.
Naciu Varillas (Xixón, 1975), periodista profesional, tien dellos cuentos espublizaos en variaes publicaciones, pero ésta ye la so primer obra asoleyada en formatu llibru.
Productos relacionados
