Trastes de bufarda
Xabiero Cayarga
84-8053-392-7
- Edición: Primera
- Páginas: 208
- Fecha actualización: 29/12/2009
- Tamaño: 13 x 20 cm
- Idioma: en llingua asturiana
10,00 € impuestos inc.
impuestos inc.
Novela moral sobre l´acción y la traición como movimientu d´anovación.
Trastes de bufarda ye una novela moral sobre l’acción y la traición como movimientu d'anovación, too ello desenrollao nun ambiente nacionaliegu de lluches supuestamente heroiques nes que la fidelidá al ideal y l‘amistá pueden llegar a ser escluyentes. Trescalada de celtismu –non en debanéu ún de los personaxes, O’Callagham, ye un asturirlandés xigante y roxu– les referencies cultistes y metalliteraries trescales les sos páxines, nes qu’apaecen párrafos d’altu nivel descriptivu.
Nesta obra, primer novela de so, l’autor despliega una llarga nómina de personaxes, de los que vamos sabiendo poco a poco, engarzándo datos sobre ellos con precisión de reloxeru y componiendo, a la fin, un difícil puzzle de rellaciones que se piesllen sobre sigo mesmes ensin dexar cabos sueltos, o espacios vacios.
Xabiero Cayarga (Cangues d'Onís, 1967) tien publicaos dellos poemarios (El deliriu d'esclavu, Pequeña Europa -los dos nesta mesma editorial-) y tres volúmenes de cuentos (Les gatileres del cielu, Güelgues sobre'l llagu y A flor de piel). Consideráu güei una de les voces más importantes de la lliteratura asturiana, tanto en versu como en prosa, ta acabante algamar el premiu de Poesía Xuan María Acebal de la Conseyería de Cultura, Comunicación Social y Turismo na convocatoria del añu 2005.
Productos relacionados
