Xente tan cerca
Antón García
978-84-96413-53-5
- Edición: Primera
- Páginas: 96
- Fecha actualización: 19/06/2014
- Tamaño: 12 x 21 cm
- Idioma: en llingua asturiana
7,00 € impuestos inc.
impuestos inc.
Colección de rellatos del escritor Antón García.
Como narrador, Antón García aprovecha cualesquier material: anécdotes d’escritores de sieglos pasaos, histories familiares sorprendentes, vides entrañables marcaes pol desconsuelu, la rareza o la llocura, o él mesmu, que se presenta en dalgunos rellatos d’esti llibru como un personaxe más. La mayor parte de les veces, nun se llega a saber si estes histories son ficción o realidá, pero al acabar, el llector daráse cuenta de que detrás d’elles hai vida o, meyor, munches vides, unes veces narraes con un apunte curtiu y economía de medios y otres de manera minuciosa.
Amor y humor definen bien esti conxuntu de rellatos fondamente humanos: amor polos personaxes, amor poles palabres y el so significáu precisu; y un humor finu, como un orbayu, qu’empapa munchos de los testos y pon na cara de quien llee una sorrisa cómpliz.
Antón García ye una de les figures centrales del Surdimientu. Estudiosu de la lliteratura, tamién ye l’autor de dalgunos de los meyores llibros de poemes (como, por exemplu, Los díes repetíos) de la lliteratura asturiana. Con El viaxe inaugura en 1986 la nueva narrativa asturiana, a la que diba dar ún de los sos llibros de referencia: Díes de muncho.
Productos relacionados
