Cuadernu de rayes
Miguel Allende
978-84-8053-689-9
- Edición: Primera
- Páginas: 138
- Fecha actualización: 19/06/2014
- Tamaño: 13 x 20 cm
- Idioma: en llingua asturiana
9,00 €
Esti llibru recueye una esbilla de rellatos que Miguel Allende publicara nel so blogue «Cuadernu de rayes».
Hai dellos años que’l poeta Miguel Allende abrió’l blog tituláu «Cuadernu de rayes», al que va cebando a poco y a poco con rellatos nos que se dan la mano l’anécdota, la memoria histórica y lo lliterario y fantástico: personaxes que l’autor conoció na infancia, la memoria de los antepasaos –cola Guerra Civil como música de fondu en dellos casos–, misterios de difícil desplicación… y que, reuníos nesti Cuadernu de rayes en negro sobre blanco, son a facenos esfrutar y saborguiar una prosa áxil y al empar poética, señoriada pola tenrura y la reivindicación de la ética y de la estética.
Cuadernu de rayes ye la primer obra narrativa publicada por Miguel Allende, poeta profundu y d’altura, ganador de dellos de los premios de mayor prestixu d’Asturies (el Teodoro Cuesta y el Xuan María Acebal, amás del premiu de la Crítica d’Asturies en 2004). Miguel Allende (Llaviana, 1960) tien publicaos los poemarios Pallabres de payaso (2004), Güelgues de gallón (2009) y Pastoral en Sol mayor (Endecha de la memoria), 2010.
_x000D_
Productos relacionados
