El suañu
Bernat Metge
978-84-8053-810-7
- Edición: Primera
- Páginas: 184
- Tamaño: 13 x 20 cm
- Idioma: traducíes del catalán
12,00 €
El suañu, obra cume de la creación medieval en catalán, ye un diálogu filosóficu nel que s´entemecen fechos reales y personaxes de la dómina con otros mitolóxicos.
El suañu (Lo somni, nel orixinal catalán) ye la obra maestra de Bernat Metge (Barcelona, h. 1346-1413). Redactada en 1399, ta dividida en cuatro llibros: nos dos primeros cuéntase'l suañu que tuvo l'autor y nel que se-y apaez el rei Xuan I (que morriera unos díes enantes), col que caltién un alderique sobro la inmortalidá de l'alma. En parte del llibru terceru, Orfeo narra'l so viaxe al infiernu y nel cuartu, Bernat Metge entra dafechu na llamada querelle de les muyeres, al aldericar con Tiresies sobro los defeutos y virtúes d'estes, siendo l'autor catalán un gran defensor d'elles.
El suañu, obra cume de la creación medieval en catalán, ye un diálogu filosóficu nel que s'entemecen fechos reales y personaxes de la dómina con otros mitolóxicos. Con ella l'autor derrompe'l camín d'una lliteratura más clásica y d'una humanidá más llibre y racional que tenta d'allongase de la visión eclesiástica de la dómina.
Pablo Suárez García (Udrión, 1973) ye doctor en Filoloxía, inxenieru superior de Telecomunicación, llicenciáu en Ciencies Matemátiques y en Filoloxía Hispánica y especialista universitariu (máster) en Filoloxía Asturiana. Amás d'esta versión n'asturianu de Lo somni qu'agora s'edita, tien tornaes a la llingua asturiana obres de gran importancia dientro la lliteratura peninsular como El Quixote, Tirán el Blancu (de Joanot Martorell), o Proses profanes (de Joan Roís de Corella).
Productos relacionados
