La reserva protexida de Les Cuenques
Ismael María González Arias
978-84-18286-20-9
- Edición: Primera
- Páginas: 128
- Fecha de publicación: 01/03/2021
- Tamaño: 13 x 20 cm
- Idioma: Asturianu
12,00 € impuestos inc.
impuestos inc.
La reserva protexida de Les Cuenques ye'l rellatu de cómo Eleonnor Windstone ve l'Asturies, en concreto'l Mieres de Camín, del primer añu del nuevu sieglu. Y cuéntanoslo de primer mano, yá que trescribe puntu per puntu'l díariu que la reportera foi escribiendo nel tiempu que pasó nesta tierra.
Si mires Asturies dende fuera, con una mirada bien alloñada de la nuestra idiosincracia, el resultáu ye esta novela: candial y cruel, coñona y dolorosa, esperpéntica y surrealista y al empar fondamente realista. Y ye que bien de veces el desconocimientu ye’l meyor de los conocimientos.
Nel 2001 nos locales de la Low Library de la Columbia University de Nueva York, la National Geographic Magazine da los sos premios añales. Ente los trabayos qu'opten a esti galardón ta'l tituláu «La casta de los prexubilaos de Les Cuenques mineres asturianes», obra de la reportera norteamericana Eleonnor Windstone. Pa cubrir la noticia, el diariu asturianu La Nueva España manda pa la ciudá de los rascacielos al periodista Mariano Requejo.
La reserva protexida de Les Cuenques ye'l rellatu de cómo Eleonnor Windstone ve l'Asturies, en concreto'l Mieres de Camín, del primer añu del nuevu sieglu. Y cuéntanoslo de primer mano, yá que trescribe puntu per puntu'l díariu que la reportera foi escribiendo nel tiempu que pasó nesta tierra. Peles sos páxines cuerren Villa y Campelo, Rodríguez Vigil, Álvarez Areces o l'Asaltacunes, al llau de Gabino de Lorenzo. Lleéndola va salinos una sonrisa, pueser qu'hasta una risotada, pero bien sabemos que no fondo alluga l'amargura d'una tierra en descomposición.
Ismael María González Arias (Uviéu, 1958), xestor cultural y productor musical, ye fabulador de vocación y narrador que bebe nes formes y na soltura de les fontes de la oralidá. Conocedor del paisaxe y paisanaxe asturianos, les sos noveles acaben poniéndonos delantre los güeyos l'Asturies que menos nos presta, la de la corrupción, el desdexu y la política de caleya, la mesma caleya pela que va la xente asturiano ensin más aquel qu'andar la vida. Como narrador ganó dos veces el Premiu de Novela «Xosefa Xovellanos» con El cuartu negociu (1992) y En busca de Xovellanos (2005).
Tamién cola novela xuvenil Les puertes del paraísu foi a facese col Premiu de Lliteratura Infantil-Xuvenil «María Josefa Canellada» 2009. Autor de más otres noveles (La boda del añu, 2003; El tiempu de Manolo, 2005...) en Faciendo tiempu n'Ítaca recoyó 16 cuentos, unos desperdigaos per revistes y otros inéditos. Articulista de mirada aliella y palabra aguda, en Folganza (2018) reunió delles columnes escrites ente'l 1997 y el 2001.
Productos relacionados
