Onde'l caos se texe y se destexe

Xulio Viejo Fernández

978-84-18286-56-8

  • Edición: Primera
  • Páginas: 236
  • Fecha de publicación: 01/08/2021
  • Tamaño: 13 x 20 cm
  • Idioma: Asturianu
  •  

    15,00 € impuestos inc.

    Ediciones Trabe

    La memoria escrita como homenaxe a un padre que baxa de los montes de Quirós a ganar el pan pa los suyos a Ventanielles, onde naz el fíu que nesta novela exemplar y fascinante vuelve de la mano de l’alcordanza del padre a alcontrar los anicios de la so historia, que resulta ser la Historia; la que va del mundu primixeniu y ancestral al de güei.

    Más detalles

«La memoria escrita como homenaxe a un padre que baxa de los montes de Quirós a ganar el pan pa los suyos a Ventanielles, onde naz el fíu que nesta novela exemplar y fascinante vuelve de la mano de l’alcordanza del padre a alcontrar los anicios de la so historia, que resulta ser la Historia; la que va del mundu primixeniu y ancestral al de güei al traviés d’un viaxe fechu amás de coles botes de montaña, col conocimientu y búsqueda filolóxica acompañada del saber históricu y mitolóxicu. El fíu narrador, filólogu, llector de clásicos y modernos, apasionáu de la física y de la xeometría, entiende del cosmos y de les cosmogoníes, camina pelos sieglos de silenciu d’un requexu del mundu hasta conectalu col too. Los personaxes ensin gloria universal amuesen nesta escelente novela una categoría en rellación cola grandeza del home llabrador y obreru. Amás d’una historia d’histories rica y perbién narrada, con notables apuntes sicolóxicos, esta novela ye un activu de reflexión sobre la cultura, el poder, la resistencia, la trescendencia, y una búsqueda del sentíu que se-y pue dar a la esistencia. D’inolvidable llectura siguimos cada páxina d’esti viaxe nel tiempu y lleendo’l paisaxe que nos describe cola emoción de quien siente ferver una «cosmovisión asturiana», un «conócite a tigo mesmu» col que reconstruimos emocionalmente la cadena de la vida que nos caltién xunto a los nuestros, y dafechamente humanos», Ángeles Carbajal.

Xulio Viejo Fernández (Uviéu, 1968) ye doctor enFiloloxía Románica, profesor de la Universidá d’Uviéu y estudiosu de la llingua y la lliteraturaasturianes. Venti son los años que lleva ensin publicar narrativa desque s’editara nel 2001 la guapa y particular Los araxales de la vida, novela na que yá nos introduxera nos paixases de Quirós, Ventanielles y Uviéu, que vienen a ser los paisaxes del ser humanu. Antes d’esta obra yá se presentara como creador orixinal con Na llende del condicional perfeutu (1990) y Les falcatrúes del demoniu (1992). Ye responsable amás, del volume Relatos asturianos medievales del sieglu XII (2003), qu’inclúi siete testos traducíos del llatín. Como poeta foi a ganar el Premiu «Xuan María Acebal» nel añu 1996 con Les etimoloxíes del silenciu.

Productos relacionados

Product successfully added to the product comparison!