Ningún producto
Estos precios se entienden IVA incluído
José Ángel Gayol
978-84-18286-64-3
14,00 € impuestos inc.
impuestos inc.
Los cuerpos celestes recueye diez cuentos de distintes factures nos que predomina’l reflexu d’un modelu d’escritura realista. Vides anónimes nes que la rutina apodera con too hasta que daqué inesperao pasa franciendo la cotidianidá d’unos personaxes siempres en movimientu.
Advertencia: ¡Últimos artículos en inventario!
Disponible el:
Los cuerpos celestes recueye diez cuentos de distintes factures nos que predomina’l reflexu d’un modelu d’escritura realista. Vides anónimes nes que la rutina apodera con too hasta que daqué inesperao pasa franciendo la cotidianidá d’unos personaxes siempres en movimientu. Esi rompimientu val-y al narrador p’abrir la posibilidá de la introspección y l’autoanálisis y amuesa lo que de ficción hai nes rellaciones humanes. Con un ritmu narrativu bien lleváu y un llinguaxe claru, tresparente y certeru, l’autor fai un retratu individual y colectivu d’una sociedá desnortiada y a la busca d’una felicidá qu’igual nin tan siquiera existe.
José Ángel Gayol (Mieres del Camín, 1977) ye escritor y críticu lliterariu d’amplia formación y inquietúes varies. Poeta de voz propia (Los poemes del oriental, 2013; El llibru de les coses misterioses, 2013; Los suaños y los díes, 2014; y Una selmana y otros díes, 2015), mostróse como ensayista amenu y arteru en Vértigu. L'atracción del abismu na sociedá contemporánea (2016), col qu'algamó'l Premiu «Máximo Fuertes Acevedo» d'Ensayu 2015; Exercicios d'asturianu (2016), recopilación de testos a mediu camín ente l'artículu lliterariu y d'opinión, y l'espléndidu y novedosu El silenciu invisible (2020), Premiu «Máximo Fuertes Acevedo» d'Ensayu 2019. Avezáu escritor con alma d’ensayista, tien escritu’l diariu En primera persona (2019), nel que s’amuesa como agudu observador y rexistrador de la realidá al empar qu’indagador de la verdá. Como narrador diose a conocer cola guapa novela Argonautes (2007), a la que siguió La xeometría secreta del azar (2020). Nel 2021 ganó’l Premiu de Novela «Xosefa Xovellanos» cola obra La cafiante muerte de Nicolai Bostov.
Este sítio usa cookies para que disfrutes de la mejor experiencia de uso. Si sigues navegando, entendemos que las aceptas y acptas nuestra política de cookies . Más información | aceptar |