Tiempu d'escoria
Xosé Nel Riesgo
978-84-18286-89-6
- Edición: Primera
- Páginas: 144
- Fecha de publicación: 10/05/2022
- Tamaño: 13 x 20 cm
- Idioma: Asturianu
12,00 € impuestos inc.
impuestos inc.
La muerte de la madre fai al narrador alcordar los díes d’infancia nos barrios por construir del Avilés industrial de los primeros años de la década de los setenta del sieglu pasáu.
La muerte de la madre fai al narrador alcordar los díes d’infancia nos barrios por construir del Avilés industrial de los primeros años de la década de los setenta del sieglu pasáu. A la contra de l’Asturies del desenrollu y rica que nos cuntaron, l’Asturies real, la de la escoria y el subdesarrollu, la de la contaminación y les barriaes obreres enllenes de xente allegao de les zones rurales o de fuera, ye la que retrata esta novela. Contada por un adultu qu’entá alcuerda la emoción del nenu que foi al dir d’espedición pel ríu «condoneru», o’l mieu al albidrar dellos misterios de la vida a los que nun-yos dio nome hasta munchos años depués, cuando yá’l mundu yera otru y él yá nun yera’l mesmu. Ye Tiempu d’escoria una novela narrada dende una señardá amargurienta y en della midida anónima, yá que’l protagonista y narrador nin tan siquier tien nome. Por embargu, esto faila entá más universal, a lo menos, más xeneracional: una xeneración d’asturianos fíos del desarrollismu qu’arrecostinaron con tolos debes d’esti y con dalgún de los sos haberes.
Xosé Nel Riesgo (Avilés, 1963) ye llicenciáu en Xeografía y máster n’Historia y Análisis Sociocultural pola Universidá d’Uviéu. Anguaño pon clas na Enseñanza Secundaria Obligatoria. Xunta Dolfo Camilo Díaz fundó nos años ochenta del sieglu pasáu la revista lliteraria Al Bellume. Narrador de reconocíu prestixu, de llingua rápida, chanciosa y aceda, diose a conocer con El cai nunca duerme (1989), novela de xéneru, sumándose d’esa manera a una corriente bien de moda daquella n'Asturies. Tres d’años ensin publicar novela, nel 2005 sacó Parque temáticu, pa siguir con Escrito na ceniza (2007) y Venti negrinos (2014), cuasimente una segunda parte de la crítica y coñona Parque temáticu. Cuentos de la nevera, recopilatoriu publicáu nel 1997, tuvo una segunda edición nel 2018.
Productos relacionados
