Los amigos de Bernhard
Annemarie Schwarzenbach
978-84-19358-11-0
- Edición: Primera
- Páginas: 176
- Fecha de publicación: 07/09/2022
- Tamaño: 13 x 20 cm
- Idioma: Asturianu
16,00 € impuestos inc.
impuestos inc.
Xente mozo y guapo que s’empobina per un camín que nun ye’l pensáu poles families protagoniza esta novela fragmentaria con ritmu frenéticu. Los protagonistes tienen la vida per delantre, lluchen por topar una manera d’espresar lo que lleven dientro y deprenden, a poco y a poco, a mirar.
Xente mozo y guapo que s’empobina per un camín que nun ye’l pensáu poles families protagoniza esta novela fragmentaria con ritmu frenéticu, como si’l son lu punxeran los xixoneses Eskándalo Público col so «Modelo de vida» y non Bach. Los protagonistes tienen la vida per delantre, lluchen por topar una manera d’espresar lo que lleven dientro y deprenden, a poco y a poco, a mirar. Faen parte d’una xeneración nueva que tien que s’abrir camín ellos solos lo primero de too, cola voluntá sincera de ponese a prueba, ensin aspirar a tener un papel na sociedá nin reparar na reputación, porque’l futuru ye inciertu y llonxanu y quieren más que los destruya la realidá que la ilusión. Cambiaron les circunstancies de la vida y cambiaron de manera radical toles condiciones d’una mocedá que sabe que tien qu’educar a los padres y que tien bien claro qu’hai que prohibir la palabra útil los sábados, porque nesta novela mocedá y esperanza van de la mano nutriéndose coles emociones, xugando coles ambigüedaes sexuales, preparándose pa cualquier aventura increíble y faciendo proyectos valientes y desenfrenaos, porque nun viven nel mundu bucólicu de Heidi, viven una vida que ye una gran pregunta y a la que respuenden con impaciencia y tresgresión.
Annemarie Schwarzenbach (Zúrich, 1908-Sils, 1942) foi una muyer independiente y polifacética: arqueóloga, fotógrafa, periodista, escritora y, sobre manera, viaxera. Too ello refléxase na so obra, parte d’una biografía azarienta y aventurera, parte d’una vida marcada pol inconformismu y pola llucha por vivir la so identidá sexual. Autora de reportaxes, noveles, cuentos y poemes, títulos como Los amigos de Bernhard, Muerte en Persia, El valle feliz o El milagru del árbol, ente más otros, fixeron d’ella l’autora suiza del so tiempu que más sonadía algamó. Pese a la so muerte tráxica y a que la madre y la güela quemaran los sos manuscritos tres de la mesma, dio en ser una escritora de cultu mesmo qu’un iconu antifascista y de llibertá sexual gracies a que frañó en tantos de sentíos les regles impuestes pa topar, como muyer, un espaciu afayadizu.
María García Díaz (La Pola Siero, 1992) ye doctora en Física pola Universitat Autònoma de Barcelona. Na actualidá trabaya como profesora na Universidad Politécnica de Madrid. Como poeta, tien espublizao Espacio virgen; Llírica astraición, n’asturianu, y Suave la matriz. Ye capital tolo que fluye, con traducción al castellanu de Xaime Martínez, ye’l so últimu poemariu.
Productos relacionados
