El valle encesu

Gonzalo G. Barreñada

978-84-19358-40-0

  • Edición: Primera
  • Páginas: 180
  • Fecha de publicación: 03/03/2023
  • Tamaño: 13 x 20 cm
  • Idioma: Asturianu
  •  

    15,00 €

    Ediciones Trabe

    En Bubiella’l tiempu pasa lentu y chornosu. La xente qu'habita ellí vive la vida porque hai que la vivir, como una condena d’años nun fornu ensin aire nel que nunca nun pasa nada, anque siempres paez a piques de llegar la desgracia y la tensión va medrando col pasar de los díes.

    Más detalles

En Bubiella’l tiempu pasa lentu y chornosu. La xente qu'habita ellí vive la vida porque hai que la vivir, como una condena d’años nun fornu ensin aire nel que nunca nun pasa nada, anque siempres paez a piques de llegar la desgracia y la tensión va medrando col pasar de los díes. Firmu, el fíu d’El Llobu, el curanderu’l valle, vuelve pal pueblu en separándose de la muyer. Ellí va reconociendo les cases y les cais, el paisaxe y recordando a dellos vecinos o conociendo a otros que nunca nun viera. Con una prosa densa, morosa, la voz del narrador va poniendo negro sobre blanco la vida n’apariencia cenciella pero enllena de secretos y mentires d’un pueblu, d’una xente que paez movío por filos esternos y ayenos: marionetes de carne y güesu. La vida en Bubiella ye un fornu ingriente a piques de reventar.

Gonzalo G. Barreñada (Sotrondio, 1973) ye llicenciáu en Xeografía y Historia y ta especializáu n'Historia del Arte. Nel 2016 publicó Biografíes, primer llibru de poemes, al que siguieron El pesu de la lluz (2019) y El llar n'orde (2020), col que foi a ganar el Premiu «Xuan María Acebal». Cola novela La casa de Xuan Buelga (2018) inició la so narrativa al rodiu del mundu míticu de Burgundu, que continuó col volume de rellatos Hestories de Burgundu (2018) y al que sigue La hestoria ensin contar (2021). El pasáu añu 2022 foi'l de la consagración d'esti autor prolíficu y fondu: ganó los premios «Xosefa Xovellanos» de Novela con El viaxe del cacique, l'«Andrés Solar Santurio» de Novela Curtia con La guerra del Medrosu, y el «Teodoro Cuesta» de Poesía por Cartes al treslluz.

Productos relacionados

Product successfully added to the product comparison!