Un par de botes. Cuentos de fútbol

Vicente García Oliva. Prólogu de Nacho Fonseca

978-84-19358-49-3

  • Edición: Primera
  • Páginas: 104
  • Fecha de publicación: 18/05/2023
  • Tamaño: 13 x 20 cm
  • Idioma: Asturianu
  •  

    12,00 € impuestos inc.

    Ediciones Trabe

    Un par de botes ye un volumen de 11 cuentos sobre fútbol cuando esti xuegu yera espeyu de la inocencia: con un par de botes y una carretera, un camín o un prau, na década de los cincuenta (y más p’acá) nuna ciudá industrial que ta espolletando col desarrollismu franquista y en plena tresformación, los neños (en masculín) del barriu yeren a montar un cuadrín. 

    Más detalles

Un par de botes ye un volumen de 11 cuentos sobre fútbol cuando esti xuegu yera espeyu de la inocencia: con un par de botes y una carretera, un camín o un prau, na década de los cincuenta (y más p’acá) nuna ciudá industrial que ta espolletando col desarrollismu franquista y en plena tresformación, los neños (en masculín) del barriu yeren a montar un cuadrín. Cuando’l fútbol provoca una emoción indescriptible nel rapacín que va per primer vez a un campu a ver un partíu. Porque Un par de botes ye'l fútbol como patria de la infancia y como relixón; ye’l fútbol como pasión nun tiempu nel que tovía nun yera un negociu a plenu rendimientu les 24 hores del día. ¡Pasái y xugái!

Vicente García Oliva (Xixón, 1944) ye autor de referencia na lliteratura asturiana y ta consideráu’l padre de la novela xuvenil n’asturianu con Fontenebrosa: el reinu de los silentes (1984, 1992, 2011). Con más de 30 títulos, delles obres narratives suyes son: El Norte (1991), reeditáu nel añu 2010 baxo’l títulu El Norte. Cuentos 1976-2010; les noveles L’aire les castañes (1989, 2008), La vida de siempre (2015, Premiu de la Crítica d'Asturies) y Los tordos (2023), amás de les xuveniles Elemental, querida Lisa (2007), Fontenebrosa II: la rebelión de los homosaurios (2010, Premiu «Montesín de Lliteratura Infantil y Xuvenil 2009), Fontenebrosa III: el final (2016, Premiu «M.ª Josefa Canellada» de Lliteratura Infantil y Xuvenil 2015); Diariu d’Enol (1988, 2016), Cuadernu robáu. Diariu de Concha (2015). Ye autor, amás, de dellos ensayos, ente los que destaquen La aventura humana y lliteraria al rodiu de don Enrique García Rendueles (1992), El ríu soterrañu (2003) o El síndrome de Sherezade (2011, Premiu «Máximo Fuertes Acevedo» d'Ensayu 2010). Amás d’ello tien tamién una retafila cuentos pa la reciella: Garulla. Antoloxía del ritmu (2007), Deva y yo (2011), El marineru que perdió’l norte (2016)... ente más otros. 

Productos relacionados

Product successfully added to the product comparison!