El día de la ira
Lluis Portal Hevia
978-84-19358-51-6
- Edición: Primera
- Páginas: 248
- Fecha de publicación: 18/09/2023
- Tamaño: 13 x 20 cm
- Idioma: Asturianu
18,00 € impuestos inc.
impuestos inc.
El día de la ira narra la muerte del políticu xixonés Melquíades Álvarez –una de les más ilustres figures polítiques que dio’l republicanismu asturianu– n'agostu del 1936, poco depués del golpe d'Estáu y del empiezu de la Guerra Civil.
El día de la ira narra la muerte del políticu xixonés Melquíades Álvarez –una de les más ilustres figures polítiques que dio’l republicanismu asturianu– n'agostu del 1936, poco depués del golpe d'Estáu y del empiezu de la Guerra Civil, asesináu na Cárcel Modelo de Madrid supuestamente pol anarquista Lalo Montesinos, anque él negó siempres l'autoría. Novela histórica o historia ficcionada, El día de la ira nun va dexar indiferente a quien a ella s'avere, yá que nun se narra d'una manera distante y fría; a la contra, podemos dicir que ye una novela de parte na que'l narrador dexa bien a les clares el xuiciu moral que-y merez caún de los personaxes que per ella andulien y, inclusive, caúna de les partes enfrentaes na última guerra española.
Lluis Portal Hevia (Villaviciosa, 1964) ye periodista profesional con xera abondo en distintos periódicos asturianos y coordinador, xunta Xuan Pedrayes, de la revista cultural n'asturianu Friuz, fundada nel 2016. Tien ganao dellos premios, ente más otros l'«Uviéu» de Teatru nos años 2007 y 2008 coles obres Oh 36! (2008) y Poison (2008), amás de los premios de Llectures pa Rapazos de l'Academia de la Llingua Asturiana nel 2009 y de Lliteratura Infantil y Xuvenil d'Asturnews nel mesmu añu coles noveles Pelegrinos del abismu (2010) y Xurde Amante y el Club de los Valientes (2020). Nel 2011 foi a ganar el XVII Premiu d'Ensayu «Máximo Fuertes Acevedo» con Cipriano Folgueras. Una gloria d'Asturies (2012). Amás d'estos llibros, tien publicaes obres biográfiques (Francisco Balbín, Xiquín de Villaverde, 1995; Carlos Ciaño (1855-1925). Ente Cuba y Asturies, 2018), etnográfiques (Secretos de Pandenes, 2006) y el volume de cuentos Trófimo y Radamés (1991). Nel 2020 fexo la edición de la obra de la escritora maliayesa María Teresa Villaverde, Tuxa, nel llibru Postrer adiós. Prosa, poesía, teatru. El día de la ira ye la primer novela non xuvenil que publica.
Productos relacionados
