Pa nun escaeceme
Paquita Suárez Coalla
84-8053-233-5
- Edición: Primera
- Páginas: 160
- Fecha actualización: 18/12/2009
- Tamaño: 13 x 20 cm
- Idioma: en llingua asturiana
11,00 € impuestos inc.
impuestos inc.
Primer obra de creación de l ´autora de una de les novedaes más interesantes del añu 2001: La mio vida ye una novela.
Este producto ya no está disponible
Los cuentos que se recueyen nesti volume, venti narraciones curties a les que dan xuntura la voz narrativa y el puntu de vista femenín, escribiólos l’autora una y bones empezó a vivir en Nueva York.
Son venti histories, venti voces de muyer que, cada una a lo suyo, conformen el retratu realista y triste d’unes vides recuperaes de la memoria del pueblu, vivíes con penuria y resignación, pero nunca faltes de sabiduría o dignidá y plenes d’esa tranquilidá que da saber que nun hai nada que perder.
Pa nun escaeceme ye una obra escrita con naturalidá y soltura, al mou de les narraciones orales, nun asturianu plagáu de dialectalismos, averáu tolo que pue al mou de falar apegáu a la tierra de les distintes voces que nos falen, esta obra vien a enenchar el corpus de la narrativa asturiana, al empar que l’autora súmase al yá ampliu vaniellu de muyeres escritores n’Asturies, amosando gran calidá lliteraria y facilidá pa cuntar.
Paquita Suárez Coalla ( Grullos, Candamo, 1965), doctora en Filoloxía Española, vive en Nueva York dende 1994, dedicada a llabores docentes y a facer un interesante trabayu de mestizaxe cultural, xuniendo a creadores d’España, los Estaos Xuníos y Iberoamérica. Nel añu 2001 publicó nesta mesma editorial un guapísimu llibru de testimonios de les muyeres del campu asturianu tituláu La mio vida ye una novela, col que tienen abondos puntos de xuntura los presentes relatos.
Productos relacionados
