Vía d'escape
Carme Martínez Pérez
84-8053-278-5
- Edición: Primera
- Páginas: 200
- Fecha actualización: 18/12/2009
- Tamaño: 13 x 20 cm
- Idioma: en llingua asturiana
10,00 € impuestos inc.
impuestos inc.
Vía d'escape ye la novela, serena y apasionada a la vez, de la busca de la felicidá, escrita en lletres minúscules, cotidiana.
Vía d’escape ye la novela, serena y apasionada a la vez, de la busca de la felicidá, escrita en lletres minúscules, cotidiana. Licia, la protagonista, ye una muyer que, tres del fracasu matrimonial al que s’enfrenta lúcida y sola, mira pal tiempu por venir mientres va narrando pa sigo mesma la vida que pudo ser si los fechos del pasáu fueren otros. Con una curiosa estructura, onde s’amesta la voz que cuenta en primera persona cola del narrador omnisciente, la novela texe la vida de Licia hasta alquirir forma, tomando y refugando opciones pa cerrar el círculu al volver pa la tierra de la infancia y de la mocedá, onde la protagonista ta cierta d’atopar la serenidá que-y ye imprescindible al ser humanu pa encarar la vida.
Carme Martínez Pérez (Xixón, 1955) ye una reconocida escritora d’obres xuveniles y avezada ilustradora. Nesta editorial tien publicaos los llibros Cuentos pa una nueche ensin lluz; Cuentos pa una nueche de lluna; Morfema, mormefa, mormera....; Un día na biesca; y en colaboración con Alberto Cobreros Gil El llibru secretu de la biesca: egagrópiles y El llibru secretu de la biesca: güelgues. Como prosista diose a conocer na antoloxía Muyeres que cuenten, publicada nesta mesma editorial en 1994, y que yá va pela segunda edición.
Cola publicación de Vía d’escape, Carme Martínez Pérez envereda’l camín de la muyer novelista, hasta agora rara avis na lliteratura asturiana, al empar qu’entronca con naturalidá col movimientu lliterariu femeninu que se da en toles lliteratures occidentales y que vien a representar la incorporación del puntu de vista de la muyer, como ser humanu dixebráu, asina como de los porgüeyos, trunfos y fracasos, búsquedes y alcuentros o desalcuentros que dan o quiten sentíu a la esistencia de la muyer d’anguaño.
Productos relacionados
