Lo peor del bon tiempu
Héctor Pérez Iglesias
978-84-8053-589-2
- Edición: Primera
- Páginas: 80
- Fecha actualización: 24/09/2012
- Tamaño: 14 x 21 cm
- Idioma: en llingua asturiana
10,00 € impuestos inc.
impuestos inc.
Premiu «Fernán-Coronas» 2009
«... si lo peor / del bon tiempu ye nun tar a l’altura». Con estos versos del poeta inglés Philip Larkin entama Héctor Pérez el so últimu poemariu, que d’ellos toma’l títulu. Lo peor del bon tiempu.
Con esti llibru quier l’autor pesllar un ciclu poéticu que completen L’amarga cazumbre (2008) y Como crecieres tu (2008).
Poeta de rexistros bien distintos y variaos, Héctor Pérez Iglesias apurre nesta nueva entrega poemes de corte narrativu, figurativos, cercanos a la llamada «poesía de la esperiencia», pero tamién versos irracionales y surrealistas, al tiempu que s’adientra nel poema en prosa.
La infancia perdida, el desconsuelu de la vida o la soledá qu’habita nel ser humanu son llinies continues que trespasen el poemariu, nel que la voz personal del autor ye quien a falar con palabres nueves de temes vieyos.
Héctor Pérez Iglesias (Arlós, Llanera, 1978) ye llicencia n’Historia pola Universidá d’Uviéu. Ganador de dellos premios, tien yá una obra poética consolidada y representa’l futuru de la poesía n’asturianu.
Productos relacionados
