Los suaños y los díes
José Ángel Gayol
978-84-8053-750-6
- Edición: Primera
- Páginas: 56
- Fecha actualización: 05/10/2015
- Tamaño: 14 x 21 cm
- Idioma: en llingua asturiana
8,00 €
Premiu «Fernán-Coronas» 2011
Los suaños y los díes, Premiu «Fernán-Coronas» del añu 2011, ye'l tercer poemariu que publica José Ángel Gayol, anque nun-y correspuenda esti puestu cronolóxicamente falando. En tou casu, como'l mesmu autor reconoz, esti poemariu más Los poemes del oriental (2012), El llibru de les coses misterioses (2013) y otru entovía inéditu formen un «cuadru (...) de les esmoliciones, sentimientos, esperiencies o reflexones qu'acarreté durante los últimos siete o ocho años».
Si El llibru de les coses misterioses ye poesía metafísica que s'interroga sobre la vida y el llugar de cada persona nel mundu, Los suaños y los díes ta formáu por versos más realistes, tamién más tristayos, que se centren na esperiencia personal del poeta.
José Ángel Gayol (Mieres del Camín, 1977) ye llicenciáu en Derechu pola Universidá d'Uviéu y n'Antropoloxía Social y Cultural pola UNED. Escritor y críticu lliterariu, amás de los llibros de poemes citaos más p'arriba, que lu convierten nuna de les voces más importantes de la nueva poesía asturiana, tien publicáu'l poemariu Con el velo de una sonrisa (2006), la novela Argonautes (2007) y la obra teatral Ensin noticies del fin del mundu (2011).
Productos relacionados
