Nun me preguntes cómo pasa´l tiempu

Miguel Ángel Gómez

978-84-8053-853-4

  • Edición: Primera
  • Páginas: 56
  • Fecha actualización: 13/09/2016
  • Tamaño: 14 x 21 cm
  • Idioma: en llingua asturiana
  •  

    10,00 € impuestos inc.

    Ediciones Trabe

    Premiu «Fernán-Coronas» 2014.

    Más detalles

Nun me preguntes cómo pasa'l tiempu ye la constatación y la espresión poética de la fugacidá de la vida y de la fraxilidá del ser humanu.

Escribir nun ye otro, diz el poeta, que «lleer la propia vida», como quien llee les obres de les figures más grandes de la poesía asturiana (Xuan Bello o Martín López-Vega) o de la lliteratura universal (Bukowski, Dylan Thomas, Dostoyevski, Wiliam Carlos Williams...) que percuerren los versos d'esti poemariu. Claros y tresparentes son estos poemes, que van de la vida a los llibros como si entrambos los dos foran la mesma cosa o, a lo menos, como si tuvieran conformaos de la mesma materia: el tiempu y el so pasu.

Si daqué hai que destacar d'esti poemariu ye l'esfotu culturalista amazcaráu cola aparente cenciellez d'unos versos que nos faen paranos a pensar y a saboriar unos poemes que nos dexen «col miel nos llabios».

Miguel Ángel Gómez (Uviéu, 1980) ye llicenciáu en Filoloxía Hispánica y profesor de Llingua castellana y lliteratura. Finalista del Premiu de Novela Casino de Mieres con Hotel Geometría, los sos primeros versos vieron la lluz nos volúmenes colectivos Soledades juntas (2005), Perro sin dueño (2007) y El triunfo de la muerte (2011). Collaborador nes revistes Clarín y Anáfora, Monelle, los pájaros (2016) ye'l so primer poemariu (en castellanu) publicáu. Con Nun me preguntes cómo pasa'l tiempu foi a ganar el Premiu «Fernán-Coronas» de Poesía na convocatoria del 2014.

Productos relacionados

Product successfully added to the product comparison!