Cartes al treslluz

Gonzalo G. Barreñada

978-84-19358-48-6

  • Edición: Primera
  • Páginas: 50
  • Fecha de publicación: 02/05/2023
  • Tamaño: 14 x 21 cm
  • Idioma: Asturianu
  •  

    14,00 € impuestos inc.

    Ediciones Trabe

    Cartes al treslluz, Premiu «Teodoro Cuesta» 2022, ye un poemariu a dos voces: la que vien del padre y llega al fíu y la que sal d'esti y va pal padre. 

    Más detalles

Cartes al treslluz, Premiu «Teodoro Cuesta» 2022, ye un poemariu a dos voces: la que vien del padre y llega al fíu y la que sal d'esti y va pal padre. D'esa manera, nun únicu poema de llargor y fondura van entrambos los dos poniéndose al día de la vida de caún, confesando'l padre la soledá, la grandura de la casa desque nun ta al so llau la madre; preguntándose'l fíu qué ye fracasu y qué ye la vida, de la que «Nun sabemos nada», diz el padre, y «El dolor/ paecer paezse muncho a tener una piedra dientro ún».
Cola verdá de les palabres simples, de les palabres de casa entrambos los dos conxuguen l’ausencia de la madre, el tiempu pasáu y el que va venir, anque «el foroñu siempre lu tuvimos dientro». Y acaba esti poema de llargor y fondura col ruegu del fíu a manera d'oración: «Gris cielu de piedra:/ sé con nós compasivu./ Nun nos dexes cayer nel odiu y la envidia».

Gonzalo G. Barreñada (Sotrondio, 1973) ye llicenciáu en Xeografía y Historia y ta especializáu n'Historia del Arte. Nel 2016 publicó Biografíes, primer llibru de poemes, al que siguieron El pesu de la lluz (2019) y El llar n'orde (2020), col que foi a ganar el Premiu «Xuan María Acebal». Cola novela La casa de Xuan Buelga (2018) inició la so narrativa al rodiu del mundu míticu de Burgundu, que continuó col volume de rellatos Hestories de Burgundu (2018) y la novela La hestoria ensin contar (2021). N’El valle encesu (2023) dexa atrás Burgundu pa llevanos a Bubiella. Nel 2022 foi a ganar los premios «Xosefa Xovellanos» de Novela con El viaxe del cacique, l'«Andrés Solar Santurio» de Novela Curtia con La guerra del Medrosu, y el «Teodoro Cuesta» de Poesía con esti poemariu qu'equí presentamos.

Productos relacionados

Product successfully added to the product comparison!