![L'acentu [de per embaxu] de les velux grandes](https://tienda.trabe.org/1281-large_default/l-acentu-de-per-embaxu-de-les-velux-grandes.jpg "L'acentu [de per embaxu] de les velux grandes")
![L'acentu [de per embaxu] de les velux grandes](https://tienda.trabe.org/1281-thickbox_default/l-acentu-de-per-embaxu-de-les-velux-grandes.jpg "L'acentu [de per embaxu] de les velux grandes")
L'acentu [de per embaxu] de les velux grandes
Milio Ureta
978-84-19358-94-3
- Edición: Primera
- Páginas: 78
- Fecha de publicación: 15/05/2024
- Tamaño: 14 x 21 cm
- Idioma: Asturianu
15,00 €
Premiu «Teodoro Cuesta » de Poesía, 2023
L'acentu [de per embaxu] de les velux grandes ye una obra de factura, apariencia y voluntá contemporánees, onde un yo poéticu solitariu y vacíu –aínda a la gueta del ser unu nun otru– claudica y escosa nun deséu paliativu y terminal cada vez más desdibuxáu en feble requerimientu de compañía. Dende la sencillez de Poemes del amor simétricu (2019) hasta esti poemariu d’estructura más complexa y arriesgada no temático y visual, col que Milio Ureta foi a ganar el Premiu «Teodoro Cuesta» de Poesía, l'autor vien construyendo un discursu íntimu y social de xeitu comprometíu y más personal cada vegada, en que la reconstrucción d’un individuu qu’argaya queda venceyada a la eventual tonicidá d'esi «acentu» propiu presente en títulu; nun discursu asina, la identidá individual fuera y dientro'l grupu, la incidencia coercitiva de la sociedá, la naturaleza del deséu y del conxuntu’l ser humanu, y el pasu del tiempu, son los elementos recurrentes que vienen a cincelalu.
Milio Ureta (Ribeseya, 1970), graduáu n'Humanidaes pola Universitat Oberta de Catalunya y vinculáu de primeres al teatru, ye anguaño ún de los poetes más anovadores, pulcros ya interesantes de la lliteratura asturiana. Siempre asitiada nun apueste midíu pol riesgu formal, la so obra va medrando como medra'l día: despacio, sometida al soplu de lo imprevisto, y pasín a pasu. Nel 2021 ganó con Pexe les manes el Premiu «Teodoro Cuesta» de Poesía per primer vez. Esi mesmu añu publicó n'asturianu Cantar de mi mesmu, una de les más celebraes obres de Walt Whitman.
Productos relacionados
