Los fíos de Bauman
Gonzalo Llamedo Pandiella
978-84-10345-47-8
- Edición: Primera
- Páginas: 56
- Fecha de publicación: 10/05/2025
- Tamaño: 14 x 21 cm
- Idioma: Asturianu
14,00 € impuestos inc.
impuestos inc.
Los fíos de Bauman, premiu «Fernán-Coronas» de poesía 2022, aprovecha l’imaxinariu sociodiscursivu del sociólogu Zygmunt Bauman como puntu de partida pa facer una reflexón crítica sobre les carauterístiques de la nomada «modernidá líquida» y les sos consecuencies.
Los fíos de Bauman aprovecha l’imaxinariu sociodiscursivu del sociólogu Zygmunt Bauman como puntu de partida pa facer una reflexón crítica sobre les carauterístiques de la nomada «modernidá líquida» y les sos consecuencies, de dos maneres: per un llau, dende la propia esperiencia del autor, repasando vivencies y emociones personales rellacionaes cola familia, la emigración y los trabayos precarios; y, per otru llau, nel panorama social d’anguaño, tocando cuestiones como la desinformación, l’abusu de les redes sociales, la contaminación y la preocupación por defender la diversidá con un enfoque interseicional. Como pretendía Bauman colos sos ensayos, dende la perspeutiva de la modernidá liquida búscase un discursu alarmista y reactivu, dacuando señardosu, pero ensin perder el tonu esperanzador.
Gonzalo Llamedo Pandiella (Nava, 1990) ye doctor n’Investigaciones Humanístiques y profesor de Filoloxía Románica na Universidá d’Uviéu. Anguaño fai parte de la xunta direutiva de l’Asociación d’Escritores d’Asturies y collabora col Gobiernu del Principáu d’Asturies como xuráu en dellos premios de lliteratura asturiana. Dende’l 2020, vien collaborando como autor de testos lliterarios coles revistes Lliteratura y Formientu. Como escritor en llingua asturiana, ganó’l XXVIII Premiu de Poesía «Fernán-Coronas» (2022), el II Concursu de Microrrellatos Luisa Rebollar del Ayuntamientu de Sariegu (2019), el I Concursu #AndanciuLliterariu d’Iniciativa pol Asturianu (2020) y el V Concursu de Microrrellatos Entaína a escribir, entamáu pol Gobiernu del Principáu d’Asturies y l’Institutu Asturianu de la Mocedá (2020).
Productos relacionados
