Ningún producto
Estos precios se entienden IVA incluído
Pablo X. Suárez
979-13-88149-42-9
14,00 € impuestos inc.
impuestos inc.
Entamos d’onomástica recibió’l premiu de poesía «Fernán-Coronas» no so edición del 2023. Esta última entrega poética de Pablo X. Suárez afonda nos caminos pelos que yá andó pero con una voz lliteraria cada vez más perfecha, reconocible y definida.
Advertencia: ¡Últimos artículos en inventario!
Disponible el:
Pablo X. Suárez (Samartindianes, Siero, 1981), filólogu y especialista en Llingua Asturiana pola Universidá d’Uviéu, técnicu en normalización llingüística y profesor d'asturianu p'adultos, destácase dende 2009 como axitador de les nueves tendencies de la poesía oral cola realización d’eventos autoxestionaos como les Timbes Poétikes, el Sacavera Sound o’l Festival de Peñamayor, amás de caltener el proyectu de spoken word electrónicu El Velcro. Hasta la fecha publicó Pop Retórika (2009) y Cómo evitar el apocalipsis (2016) n’español y Asturiana Beat (2005), El sistema débeme una chocolatina (2011) y Little Babilonia (2018), premiu «Xuan María Acebal» nel 2017, n’asturianu. Esti últimu tien una edición billingüe gallega en traducción de Vanessa Glemsel (2021). Con Entamos d’onomástica recibió’l premiu de poesía «Fernán-Coronas» no so edición del 2023. Esta última entrega poética de Pablo X. Suárez afonda nos caminos pelos que yá andó pero con una voz lliteraria cada vez más perfecha, reconocible y definida. Nesti poemariu tán presentes los elementos que caractericen la so obra: l’usu d’elementos pop, la combinación de la tradición asturiana con otres más llonxanes y la fixación d’espacios simbólicos. Entamos d’onomástica emprima con una revisión del pleitu marirreguerianu poles cenices de Santa Olaya, que nos pon énte los güeyos el fondu y el tonu de les composiciones que conformen esta obra, resumiendo esi universu lliterariu nel qu’interaccionen lo asturiano y lo forano pa construyir una mirada particular al mundu.


| Este sítio usa cookies para que disfrutes de la mejor experiencia de uso. Si sigues navegando, entendemos que las aceptas y acptas nuestra política de cookies . Más información | aceptar |