Tiempu d'esiliu y povisa ayeno
Pablo Rodríguez Medina
84-8053-196-7
- Edición: Primera
- Páginas: 50
- Fecha actualización: 17/12/2009
- Tamaño: 14 x 21 cm
- Idioma: en llingua asturiana
7,00 €
Nueva obra poética de Pablo Rodríguez Medina, llena d'estrañamientu y señaldá na que confirma el so valir lliterariu.
Este producto ya no está disponible
Con esta obra, que lleva’l suxerente títulu de Tiempu d’esiliu y povisa ayeno (en referencia a dos de les tres partes que la componen), ganó Pablo Rodríguez Medina’l Premiu «Vital Aza» de poesía del añu 2000. Esti ye’l segundu llibru de poemes que publica l’autor, un de los escritores mozos más interesantes del panorama lliterariu asturianu.
Como yá se dixo, el llibru ta dividíu en tres partes de títulos bien significativos: «Tiempu d’esiliu», «Díes de povisa ayeno» y «El mofu del escaecimientu», que marquen el tonu xeneral de los poemes. La llucha contra’l desarraigu, les ruines que’l tiempu va dexando en nós y, a la fin, l’escaezu que miedra col pasar de los díes son los temes recurrentes d’un poeta sabedor del camín que nos lleva a la destrucción y a la muerte, un poeta que manexa la llingua con axilidá y estilu propiu.
L’autor, PABLO RODRÍGUEZ MEDINA, nació nel Entregu en 1978. Diose a conocer como poeta n’asturianu col llibru Nel dialeutu del grisú (1999) y un añu depués apaeció’l primer volume de cuentos, Los paraísos perdíos. Esi añu 2000 recibió un accésit del premiu de novela «Xosefa de Xovellanos» pola obra Ente semeyances (Na cernada d’un tiempu pasáu), que tamién acaba d’asoleyar Trabe.
Avaláu, pesie a la so mocedá, por munchos premios n’asturianu y castellán, acaba de ganar, ex æquo, el «Xosefa Xovellanos» de novela y l’«Asturias Joven» de poesía.
Productos relacionados
