Lletra amable
Marta López Fernández
978-84-19358-65-3
- Edición: Primera
- Páxines: 256
- Fecha de publicación: 13/10/2023
- Formatu: 14 x 21,5 cm
- Idioma: Asturianu
16,00 € Impuestos incluíos
Impuestos incluíos
Lletra amable ye una recopilación de reseñes lliteraries publicaes pola autora nel diariu La Nueva España (la mayoría) y nes revistes Campo de los patos («Siete palabras & Bilbao-New York-Bilbao» y «Xoyería d’autor en Tineú: Lucas Santiago») y Lliteratura («Los cuerpos celestes», «Panorama lliterariu 2019» y «Panorama lliterariu 2020»).
Cuenta la lleenda que la crítica ye un llabor acedu y, en dellos casos, sangrín que desenrollen persones con mal carácter y pluma gafa. Lletra amable ye una recopilación de reseñes lliteraries publicaes pola autora nel diariu La Nueva España (la mayoría) y nes revistes Campo de los patos («Siete palabras & Bilbao-New York-Bilbao» y «Xoyería d’autor en Tineú: Lucas Santiago») y Lliteratura («Los cuerpos celestes», «Panorama lliterariu 2019» y «Panorama lliterariu 2020»). Talo cualo indica’l títulu del llibru, estes reseñes nun son sangrines nin tán escrites con pluma airada. Por contra, son amables, posaes y apotaes porque, como bien diz Marta López, «pa facer un exerciciu d’opinión sobre un llibru faen falta una llectura mui atenta (y nun ye una obviedá) y honestidá (que yo quiero siempre dende l’amabilidá)». A la par d’ello quier Marta López «una esposición qu’axunte oxetividá informada y suxetividá argumentada», lloñe una y otra del maltratu gratuitu a obres y autores. El resultáu de too ello ye un conxuntu de testos presidíos pola amenidá, escritos con estilu y que puen ser lleíos pol cualesquier persona interesada na lliteratura: a lo último, un escaparate afayadizu pa la obra que reseña.
Marta López Fernández (Navelgas, Tinéu, 1976) ye llicenciada en Filoloxía Hispánica, especialista en Filoloxía Asturiana y profesora de Secundaria. Tien publicaos dellos artículos relacionaos cola lliteratura tradicional y ye autora del volume Cuentos de tradición oral d’El Cuartu los Val.les (Academia de la Llingua Asturiana, 2005). Ente los años 2015 y 2021 colaboró col diariu La Nueva España nel suplementu «Cultura» faciendo reseñes de llibros escritos n’asturianu, que son, xunta otres publicaes nes revistes Campo de los Patos y Lliteratura, les qu’apaecen reuníes nesti llibru.
Productos asemeyaos
