Estudiu llingüísticu nel centru-occidente asturianu (ELCOA)
Miguel Rodríguez Monteavaro
978-84-19358-63-9
- Edición: Primera
- Páxines: 824
- Fecha de publicación: 16/08/2023
- Formatu: 21 x 29,7 cm
- Idioma: Asturianu
45,00 € Impuestos incluíos
Impuestos incluíos
Estudiu llingüísticu nel centru-occidente asturianu (ELCOA) ye un atles llingüisticu que tien como puntu de partida la escoyeta y l’análisis de los datos dialectales de la zona centro-occidental d’Asturies.
El volume qu’equí se presenta forma parte del proxectu Estudiu dialectográficu y dialectométricu na frontera ente l’asturianu central y l’asturianu occidental (EDACEO), defendíu como tesis doctoral en 2021 pol investigador Miguel Rodríguez Monteavaro. D’esta manera l’Estudiu llingüísticu nel centru-occidente asturianu (ELCOA) ye un atles llingüisticu que tien como puntu de partida la escoyeta y l’análisis de los datos dialectales de la zona centro-occidental d’Asturies. Tola información lectal recoyida n’entrevistes con un cuestionariu propiu nos 18 puntos d’encuesta del proxectu foi sistematizada y mapeada col fin de crear un atles de corte tradicional nel que s’aporta gran cantidá de datos sobre un territoriu poco trabayáu filolóxicamente. L’oxetivu final del ELCOA ye apurrir referencies llingüístiques nueves de los ámbitos fonético-fonolóxicu y de la morfosintaxis y morfoloxía verbal y non verbal del asturllionés, un dominiu llingüísticu que, anque lleva más de cien años siendo investigáu dialectamente, tovía tien muncho qu’estudiar.
Miguel Rodríguez Monteavaro ye llicenciáu en Filoloxía Hispánica pola Universidá d’Uvieo (2013) y tien publicao dellos llibros y artículos d’investigación y participó n’abondos congresos, simposios, coloquios, workshops y alcuentros académicos. En 2021 completó’l so doctoráu n’Investigaciones humanístiques na Universidá d’Uvieo gracies a un contratu predoctoral Severu Ochoa del Principáu d’Asturies col proxectu tituláu Estudiu dialectográficu y dialectométricu na frontera ente l’asturianu central y l’asturianu occidental (EDACEO) col que llogró la distinción de Mención internacional por una estancia na Universidade de Lisboa y la calificación de Sobresaliente Cum Laude.
Productos asemeyaos
