Fuimos granos d’arena. La solidaridá n’Asturies énte’l desastre d’Annual
Arantxa Margolles Beran
978-84-19358-99-8
- Edición: Primera
- Páxines: 144
- Fecha de publicación: 15/08/2024
- Formatu: 14 x 21,5 cm
- Idioma: Asturianu
15,00 €
Tres el desastre d’Annual d’a finales de xunetu del 1921, cuando l’Exércitu español nel protectoráu de Marruecos sufrió una grandísima derrota que significó la muerte d’unos 12.000 soldaos, la solidaridá colos muertos y colos que lluchaben nel Rif ponse en marcha aguiyada poles páxines d’unos periódicos que s’inflen de patriotismu y afalan a lluchar contra l’infiel.
Tres el desastre d’Annual d’a finales de xunetu del 1921, cuando l’Exércitu español nel protectoráu de Marruecos sufrió una grandísima derrota que significó la muerte d’unos 12.000 soldaos, la solidaridá colos muertos y colos que lluchaben nel Rif ponse en marcha aguiyada poles páxines d’unos periódicos que s’inflen de patriotismu y afalan a lluchar contra l’infiel. Esa solidaridá, qu’espolleta d’un día pa otru y que va amoreciendo pasín a pasu hasta desapaecer menos d’un añu depués, ye lo qu’analiza Arantxa Margolles nesti estudiu Fuimos granos d’arena, a través de les noticies apaecíes na prensa de la época (El Comercio, El Noroeste, El Carbayón, La Prensa, El Oriente de Asturias, La Voz de Avilés...). Danos cuenta tamién l’autora del papel de la oposición a aquella guerra, tan minoritaria y silenciada que malapenes se dexa sentir más nada que nel silenciu. Ye interesante ver cómo n’Asturies, «cuna del cristianismu», dase un movimientu de «solidaridá espiritual» pa colos probes soldaos, porque «la que s’adelanta a les otres rexones d’España n’acometer la cruzada contra los moros, nun pue agora quedar atrás», en palabres del obispu d’Uviéu na época: mesmo qu’Asturies acabó cola «morisma» sieglos primero na batalla de Cuadonga, asina hai que rematar a la morisma del Rif. Nun escaez tampoco Arantxa Margolles Beran estudiar el papel de la muyer nesta campaña de solidaridá o caridá: como «Ánxel del hogar» llevando’l so papel de cuidadora paciente, sufridora abnegada y postulante de grandes resultaos: madrina de guerra. Y too ello a través, principalmente, de tres organizaciones humanitaries: Cruz Bermeya, Paz y Caridad y Acción Católica.
Arantxa Margolles Beran (Xixón, 1982) ye historiadora pola Universidá d’Uviéu y posgraduada n’Arqueoloxía y Padremuñu pola Universidá Autónoma de Madrid. Especializada en divulgación de la Historia, n’hemerografía y xenealoxía, collabora en dellos medios de comunicación asturianos y na empresa cultural Cuéntame un cuadro. Responsable de la sección «Viejo Gijón» nel diariu El Comercio, tien collaborao nes obres conmemoratives de la XLII, XLIV y XLV Selmana de les Lletres Asturianes, y na TPA guionizó y presentó’l programa Historias y misterios mentres los años 2017-2018. Primer y segundu premiu, respectivamente, nel concursu d’oratoria Xixón fala en 3’ en 2021 y 2022, da vida a Xosefa Xovellanos en collaboración cola Oficina de Normalización Llingüística de Xixón y nel 2024 foi premiu Mirada Violeta 2024 na estaya de Comunicación y Divulgación pol so compromisu cola perspectiva de xéneru dientro de la Historia.
Productos asemeyaos
