Pelayo, rei de Xixón. Hestoria d'un escultor
Lluis Portal Hevia
978-84-10345-20-1
- Edición: Primera
- Páxines: 104
- Fecha de publicación: 08/09/24
- Formatu: 14 x 21,5 cm
- Idioma: Asturianu
12,00 €
Pelayo, rei de Xixón afonda na vida y na obra del escultor José María López Rodríguez (Ribadeo 1844-Xixón 1913), autor de la conocidísima escultura de Pelayo en Xixón. Consideráu mientres munchu tiempu «escultor d’una sola obra», Lluis Portal va desentrellizando’l duviellu y poniendo negro sobre blanco’l llabor escultóricu, relixosu y profanu que fexo esti xixonés d’adopción.
Pelayo, rei de Xixón afonda na vida y na obra del escultor José María López Rodríguez (Ribadeo 1844-Xixón 1913), autor de la conocidísima escultura de Pelayo en Xixón. Consideráu mientres munchu tiempu «escultor d’una sola obra», Lluis Portal va desentrellizando’l duviellu y poniendo negro sobre blanco’l llabor escultóricu, relixosu y profanu que fexo esti xixonés d’adopción. Cayíu nel silenciu del escaezu, Lluis Portal, cola rigurosidá que lu caracteriza, danos noticia cumplida d’él, de la época que-y tocó vivir y del Xixón d’entós, asina como de la significación de Pelayo mesmo pa la ciudá playa, que lu considera un rei, como pa toa Asturies.
Lluis Portal Hevia (Villaviciosa, 1964), periodista de profesión, tien ganao dellos premios, ente más otros l’«Uviéu» de Teatru nos años 2007 y 2008 coles obres Oh 36! (2008) y Poison (2008), amás de los premios de Llectures pa Rapazos de l’Academia de la Llingua Asturiana nel 2009 y de Lliteratura Infantil y Xuvenil d’Asturnews nel mesmu añu coles noveles Pelegrinos del abismu (2010) y Xurde Amante y el Club de los Valientes (2020). Nel 2011 foi a ganar el XVII Premiu d’Ensayu «Máximo Fuertes Acevedo» con Cipriano Folgueras. Una gloria d’Asturies (2012). Amás d’estos llibros, tien publicaes obres biográfiques (Francisco Balbín, Xiquín de Villaverde, 1995; Carlos Ciaño (1855-1925). Ente Cuba y Asturies, 2018), etnográfiques (Secretos de Pandenes, 2006) y el volume de cuentos Trófimo y Radamés (1991), amás de la novela El día de la ira (2023). Nel 2020 fexo la edición de la obra de la escritora maliayesa María Teresa Villaverde, Tuxa, nel llibru Postrer adiós. Prosa, poesía, teatru.
Productos asemeyaos
