El motor de la historia
Rafael Rodríguez Valdés
979-13-88149-15-3
- Edición: Primera
- Páxines: 560
- Fecha de publicación: 10/05/2026
- Formatu: 14 x 21,5 cm
- Idioma: Asturianu
25,00 €
El motor de la historia de Rafael Rodríguez Valdés axunta testos publicaos a lo llargo de venti años (2004-2024) que muestren una trayectoria d’edición, divulgación, investigación y reflexón de la historia contemporánea d’Asturies.
El motor de la historia de Rafael Rodríguez Valdés axunta testos publicaos a lo llargo de venti años (2004-2024) que muestren una trayectoria d’edición, divulgación, investigación y reflexón de la historia contemporánea d’Asturies. Agrupaos poles temátiques que fueron oxetu del trabayu del historiador asturianu, dellos d’estos testos tán descatalogaos y/o son d’accesu difícil, mientres qu’otros se publicaron n’ámbitos –académicos y non académicos– a los que nun llega’l públicu xeneral. Nesti llibru hai trabayos pioneros qu’abrieron llinies d’investigación; hai trabayos que suponen una actualización y revisión de la historiografía anterior; contribuciones a la reflexón y a la defensa de la investigación de la nuestra historia recién; miraes a la cultura popular; y trabayos de recensión y de divulgación crítica de lo fecho na historiografía asturiana. Con too y con ello, esta obra nun quier ser namás una compilación más que necesaria sinón, y sobre manera, una invitación a lleer y a conocer con güeyos críticos dellos aspectos de la nuestra historia.
Rafael Rodríguez Valdés (Uviéu, 1978) ye llicenciáu n’Historia pola Universidá d’Uviéu y especialista universitariu n’Archivística pola UNED. Foi presidente de l’Asociación de Jóvenes Historiadores/Conceyu de Xóvenes Historiadores y director d’Erada. Revista d’Historia Contemporánea d’Asturies. Foi miembru de comités científicos y organizadores de distintos seminarios, mesmo que codirector y profesor de distintos cursos d’Estensión Universitaria. Tamién foi investigador del Archivo de Fuentes Orales para la Historia Social de Asturias (AFOHSA). Nel ámbitu de la divulgación histórica, foi responsable de secciones temátiques en programes de la RTPA; dirixó cursos y talleres; punxo clase y decenes de charles y de conferencies; y a esto hai qu’añader participación en xornaes y meses redondes celebraes per bien de conceyos d’Asturies, amás de collaboraciones escrites en distintes publicaciones periódiques. Amás de participar n’obres colectives (en dalguna d’elles como coeditor de les mesmes), ye autor de decenes d’artículos y de media docena de llibros, ente los que destaca Discursos llingüísticos y movimientu obreru na Asturies decimonónica (Trabe, 2009). Dende’l 2012 al 2026 foi técnicu sociollingüísticu del Conceyu de Corvera y dende’l 2019 dirixe la colección Calume d’Ediciones Trabe.
Productos asemeyaos
