La memoria de les dos orielles. Una aproximación a les xeneraciones asturcubanes

Miguel Solís Santos

84-8053-247-5

  • Edición: Primera
  • Páxines: 224
  • Fecha d'actualización: 18/12/2009
  • Formatu: 14 x 21,5 cm
  • Idioma: en llingua asturiana
  •  

    15,00 €

    Ediciones Trabe

    El nuevu trabayu de Miguel Solís Santos afonda nel fenómenu del «americanu», términu popular n’Astu-ries pa referise a aquella xente que dexaba casa y tierra pa buscar fortuna na emigración.

    Más detalles

Esti trabayu de Miguel Solís Santos afonda nel fenómenu del «americanu», términu popular n’Asturies pa referise a aquella xente que dexaba casa y tierra pa buscar fortuna na emigración. Pa ello l’autor sigue’l rastru documental d’una familia, los Maribona, asentaos xeneración tres xeneración, ente los sieglos XVI y XVIII, nel solar de Molleda, parroquia nes llendes de Corvera y Avilés. Emburriaos pola crisis que sigue a la caída del Antiguu Réxime y movíos pol afán de, en palabres del pro-loguista del llibru Luis Arias, «facer les Amériques pa semar equí’l paraísu», crucien l’Atlánticu nel sie-glu XIX. El llibru permítenos comprobar los re-sultaos d’esa emigración y de qué manera va influir na sociedá asturiana d’a primeros del sieglu XX.

Asina, siguiendo les tesis del autor, anque l’americanismu naz del esfarrapamientu de les es-tructures sociales y económiques del vieyu réxime, la consecuencia más directa d’esti fenómenu p’As-turies foi la llegada de capital y l’entamu d’obres diverses qu’empobinaron el país p’hacia la modernidá: traíes d’agua, escueles, instalaciones eléctriques... bien d’elles fíes predilectes del «americanu» más fanegueru y activu del pueblu o de la villa, aquel que nun se conformó con vivir de rentes, si nón que quixo apuntase al carru del porvenir y del progresu económicu.

La memoria de les dos orielles, completísimu y amenu estudiu, ye un rigurosu homenaxe a eses xeneraciones d’asturianos tresterraos, cuando escaecíos, cuando inxustamente despreciaos, que son una parte importante de la historia más triste d’Asturies, la de la emigración, pero tamién más abierta al futuru, más creadora de cambeos y riqueces y que tanto tuvieron que ver na conformación y esporpolle de la burguesía asturiana. Miguel Solís Santos (Avilés, 1956) ye profesor, pintor, dibuxante y escritor. Foi ún de los primeros y más importantes narradores del Surdimientu, y a elli se-y debe la primer novela curtia d’esti movimientu de recuperación, Les llamuergues doraes (1982). Delles veces ganador de lo qu’agora ye’l premiu de novela «Xosefa de Xovellanos» con obres como Astor o un ensayu pa una nuea mitoloxía (1980) y L’oxetu la caridá (1981), la so novela más emblemática ye El trunfu prietu (1985). Ye l’autor del guión y los dibuxos de La hestoria d’Avilés, emblemáticu cómic publicáu en 1985.

Productos asemeyaos

Product successfully added to the product comparison!