La vida en cuatro lletres

Carlos López-Otín / Versión asturiana: Xurde Menéndez Caravia

978-84-18286-28-5

  • Edición: Primera
  • Páxines: 270
  • Fecha de publicación: 01/12/2020
  • Formatu: 14 x 21,5 cm
  • Idioma: Asturianu
  •  

    23,00 € Impuestos incluíos

    Ediciones Trabe

    Descubri los secretos del orixe de la vida, el xenoma humanu y la llucha incansable pa torgar la enfermedá y algamar la felicidá.

    Más detalles

La vida en cuatro lletres, un ensayu de divulgación científica, fai por responder a delles entrugues cimeres: ¿qué ye la vida?, ¿qué mos fai humanos?, ¿llevamos la felicidá escrita nos xenes? Garrando’l filu d’estes preguntes l’autor esbilla los momentos piqueros de la vida na Tierra, esplícamos cómo lleguemos hasta equí y por qué varies carauterístiques de nueso mos traxeron la enfermedá como amenaza mundial pa la felicidá. Dempués, entaína a falar sobre los estremaos llinguaxes de la vida, ente los que ta’l llinguaxe xenómicu de cuatro lletres que designen los cuatro componentes químicos del ADN: A d’adenina, C de citosina, G de guanina y T de timina. Amás, l’autor afonda nos qu’él mesmu llama elixires de felicidá nuevos, nes posibilidaes que la intelixencia artificial mos apurre p’algamar el bienestar emocional, y ufre una fórmula xenómica imperfeuta de la felicidá. El llibru zarra cola presentación de los cinco resclavos xenerales de la felicidá y catorce recomendaciones que van valimos bien pa caleyar pel planeta de los xenes.

Carlos López-Otín (Samianigo, 1958) ye caderalgu de Bioquímica na Universidá d’Uviéu y pernomáu investigador nes estayes del cáncer y l’avieyamientu, onde ye una de les voces más reconocíes mundialmente. Tien algamao bayurosos premios científicos y ye doctor Honoris Causa por delles universidaes. El so trabayu destaca pol descubrimientu de xenes humanos nuevos, el desciframientu de xenomes, la identificación de les alteraciones moleculares d’enfermedaes y la definición de los resclavos del avieyamientu.

Xurde Menéndez Caravia (Quintes, 1990) ye biólogu y fizo la tesis (Premiu Estraordinariu de Doctoráu de la Universidá d’Uviéu y premiada pola Real Academia de Medicina del Principáu d’Asturies) nel llaboratoriu de Carlos López-Otín. Tien ganao dellos concursos lliterarios n’asturianu, ente ellos l’Entaína a escribir 2019. La vida en cuatro lletres ye’l so primer trabayu como traductor. Los artistes asturianos que vienen darréu ficieron ilustraciones pa los distintos capítulos d’esti llibru: Carmen Figaredo, Hugo Fontela, Pablo Maojo, Juan Mittelbrunn, Pablo de Lillo, Nieves Alonso, Manuel Linares, Radamés Hurlé, Carmen Mendoza, María Braña, Pilar Camblor, Víctor Botas, Xosé Ramón García Monchu, Jana Avello, Eugenio López y Mercedes Pérez.

Productos asemeyaos

Product successfully added to the product comparison!