El llantu d’Adosinda
Carlos Rubiera
979-13-88149-11-5
- Edición: Primera
- Páxines: 60
- Fecha de publicación: 05/06/2026
- Formatu: 14 x 21 cm
- Idioma: Asturianu
15,00 €
El llantu d’Adosinda ye poesía de la tribu: de la tribu que lluchó contra los romanos y quixo caltener vivu’l legáu celta, no cultural y no social.
El llantu d’Adosinda ye poesía de la tribu: de la tribu que lluchó contra los romanos y quixo caltener vivu’l legáu celta, no cultural y no social. La mesma tribu que lluchó contra Munuza y foi quien a crear un reinu qu’hubo dilise nel reinu de Castiella y pol que yá lloraba con amargor la propia Adosinda, hermana de Pelayo, énte la muerte del sobrín y rei Favila, al que, llora ella, nun asesinó un osu, non, sinón los mesmos cristianos que nun queríen esi reinu. Esta ye la primer parte de la obra, «Na nueche qu’antemana la batalla» y qu’apilanca sobre dos poemes («El llantu d’Adosinda» y «Muerte de don Gonzalo (y maldición de los reis)», más elexíacos qu’épicos: nun siendo que falemos de la épica de la derrota. La segunda parte, «Contigo van memories de los pies descalzos…», ta formada por 11 poemes onde la memoria conxunta d’un pueblu, que tien como símbolu al texu, nagua por sobrevivir y caltenese de xeneración en xeneración, evitando d’esa manera esapaecer. De «Epílogu», tercer y última parte, fai parte namás un poema que da futuru a la esperanza del pasáu, calteníu na memoria, y l’esbrexar del presente dando esperanza al futuru: el futuru de la tribu.
Carlos Rubiera Tuya (Caldones, Xixón, 1956) ye músicu y compositor, académicu de l’Academia de la Llingua Asturiana, asturianista activu, políticu y escritor. Tien publicada una novela (Ñublu de mar y de distancia, 1983), tres volúmenes de cuentos (Cuentos de tres la guerra, 1981; Cuentos de bona oreya, 1988 y La lloca de Dublín y otros cuentos, 2025) amás de dos poemarios (Venti sonetos de la vida y la muerte, 1999, y Memoria del futuru, 2023).
Productos asemeyaos
