Nuevo
Xeografía llingüística del verbu asturianu
Ramón d’Andrés Díaz
978-84-10345-72-0
- Edición: Primera
- Páginas: 270
- Fecha de publicación: 22/07/2025
- Tamaño: 15,5 x 21,5 cm
- Idioma: Asturianu
15,00 € impuestos inc.
impuestos inc.
Esti llibru ye un manual sobre la variación xeográfica de los verbos asturianos na bayura morfolóxica de les sos conxugaciones.
Toa llingua ofrez variedaes a lo llargo del so territoriu. La parte de la llingüística qu’estudia les variedaes xeográfiques d’una llingua llámase dialectoloxía, que se val de la xeografía llingüística pa mostrar la so distribución espacial. Esti llibru ye un manual sobre la variación xeográfica de los verbos asturianos na bayura morfolóxica de les sos conxugaciones. Trazu a trazu, dase una esplicación de les causes llingüístiques que producen les diverses variantes, descríbese la so distribución xeográfica y coméntense les formes escoyíes nel modernu asturianu normativu. El testu va acompañáu de mapes esquemáticos a color, amás de gráficos y tables. Xeografía llingüística del verbu asturianu ye un anticipu d’un futuru manual de dialectoloxía asturiana que l’autor tien en preparación.
Ramón d’Andrés Díaz (Madrid, 1959), fíu del escritor Manuel d’Andrés, Mánfer de la Llera, ye profesor titular de Filoloxía Española y Asturiana na Universidá d’Uviéu. Foi corredactor de les Normes ortográfiques y del Diccionariu de la llingua asturiana, y ponente de la Gramática de la llingua asturiana, obres de l’Academia de la Llingua Asturiana. Miembru de númberu de la mesma y correspondiente del Real Institutu d’Estudios Asturianos. Coordina’l grupu d’investigación Seminariu de Filoloxía Asturiana, de la Universidá d’Uviéu. Miembru de la Xunta Asesora de Toponimia del Principáu d’Asturies. Ente los sos llibros figuren: Diccionariu temáticu de la llingua asturiana (1991), Encuesta sociollingüística nuna parroquia asturiana (Deva-Xixón) (1993), Gramática práctica de asturiano (1997), Cuestiones d’asturianu normativu (2001-2003), Juicios sobre la lengua asturiana. Algunas cuestiones básicas acerca del debate lingüístico en Asturias (2002), Diccionario toponímico del concejo de Gijón (2008), Lengua, ciencia y fronteras (coordinador, 2011), Gramática comparada de las lenguas ibéricas (2013), Averamientu a la llingua asturiana (2019), Diccionariu de consultes llingüístiques del asturianu (2021) o Una ciencia sin enfotu. Ensayu sobre la deserción social de la llingüística científica (2022). Coautor, xunto con Fernando Álvarez-Balbuena, Xosé Miguel Suárez y Miguel R. Monteavaro, de la obra Estudiu de la Transición Llingüística na zona Eo-Navia, Asturies (ETLEN). Atles dialectográficu-horiométricu-dialectométricu (2017).
Productos relacionados
