Historial de navegación
Héctor Pérez Iglesias
979-13-88149-01-6
- Edición: Primera
- Páginas: 104
- Fecha de publicación: 03/04/2025
- Tamaño: 14 x 21 cm
- Idioma: Asturianu
18,00 €
Historial de navegación demuestra que’l fueu creativu de Ca Vallín sigue encesu y que si bien siguen apaeciendo acordances de cuando neñu y símbolos como la casa, la ceniza, la lluz o la lluna, l’autor nun s’acomoda y sigue escribiendo ensin rede y desafiando’l vértigu, cola máxima de que «ye siempre poesía tolo que nos salva del fríu».
Héctor Pérez Iglesias (Arlós, Llanera, 1978) ye, ensin dulda nenguna, una de les voces más importantes de la lliteratura asturiana y tamién autor importante d’esta casa editorial, na que publicó la primer vez pel 2006 Prisión de náufragu, col qu'empezó un camín poéticu del que la última parada fuera nel 2022 Horizonte de socesos. Agora con Historial de navegación demuestra que’l fueu creativu de Ca Vallín sigue encesu y que si bien siguen apaeciendo acordances de cuando neñu y símbolos como la casa, la ceniza, la lluz o la lluna, l’autor nun s’acomoda y sigue escribiendo ensin rede y desafiando’l vértigu, cola máxima de que «ye siempre poesía tolo que nos salva del fríu».
Héctor Pérez Iglesias esplícanos la procedencia de los testos porque marquen el tonu col que-y prestaría que se lleeran los poemes: «Historial de navegación recueye dellos testos de calter poéticu asoleyaos en redes sociales ente 2017 y 2025. Anque la mayoría diben acompañaos d’una imaxe qu’ilustraba los pasaxes, pa esta escoyeta van ensin soporte gráficu y quedaron fuera dafechu los que perdíen gran parte del so significáu ensin dicha imaxe, queriendo asina mantener solo los que creo sobreviven pola mera consistencia de la palabra como reivindicación de la espresión escrita nun mundu cada vez más omnímodamente audiovisual y tamién porque la mio manera d’afrontar el procesu d’edición y montaxe de la vida sigue siendo primordialmente lliteraturizala».
https://www.facebook.com/hector.pereziglesias
https://www.instagram.com/hectorpereziglesias/
Productos relacionados
