Estudios (I)

Xuan Xosé Sánchez Vicente

978-84-18286-60-5

  • Edición: Primera
  • Páxines: 472
  • Fecha de publicación: 10/09/2021
  • Formatu: 14 x 21,5 cm
  • Idioma: Asturianu
  •  

    15,00 € Impuestos incluíos

    Ediciones Trabe

    Estudios (I) va ser el primeru de dos volúmenes nos que l’autor quier recoyer tola so producción al rodiu la lliteratura asturiana, amplia y distinta, espardida per llibros colectivos y revistes especializaes.

    Más detalles

Xuan Xosé Sánchez Vicente (Xixón, 1949) ye un nome imprescindible na cultura asturiana d’anguaño. Conocedor como poca xente de la llingua de nós, tien publicaos el Diccionariu asturianu-castellanu (2020) y el Diccionariu castellanu-asturianu (2021), que nun son otro que’l resultáu del desdoble del Diccionariu asturianu-castellanu, castellanu-asturianu (1996), que marcó l’aniciu d’un tiempu distintu, y meyor, pa la llingua asturiana y que foi referencia obligada pa toa persona qu’a ella quixera averase. Políticu asturianista, poeta, narrador, creador de testos teatrales y articulista certeru y acedu, la so pasión pola lliteratura asturiana dio frutu nos llibros Les producciones clasicistes d’Antón de Marirreguera. Un ensayu de métodos creativos, estética lliteraria y ideoloxía del discursu críticu sobre la nuestra lliteratura (2004), Antoloxía de la poesía del sieglu XIX (2007) y Dos muyeres escritores y otros ensayos (2007). Pero l’interés pola nuestra lliteratura nun ye d’anguaño, yá en 1979 fixera una reedición de l’antoloxía de Caveda, titulada Esvilla de poesíes na nuesa llingua y en 1991 asoleyara Crónica del Surdimientu (1975-1990), detallada historia crítica de la, daquella, reciente creación asturiana. Estudios (I) va ser el primeru de dos volúmenes nos que l’autor quier recoyer tola so producción al rodiu la lliteratura asturiana, amplia y distinta, espardida per llibros colectivos y revistes especializaes. Por embargu tampoco nun quier dexar pa prau la escrita en castellanu que más y presta y d’esa manera inclúi dalgunos artículos sobre obres escrites nesta otra llingua d’Asturies. Dividíu en cuatro partes («Estudios lliterarios: autores, xéneros, historia», «Historia lliteraria», «Estudios filolóxicos y sociolóxicos» y «Estudios de lliteratura castellana»), recueye ventiocho pieces d’imprescindible consulta pa quien quiera averase a la nuestra lliteratura con enfotu d’enanchar el so conocimientu sobre ella y al empar descubrir que ye, la nuestra, una lliteratura que conforma un corpus si non ampliu sí de calidá.

Productos asemeyaos

Product successfully added to the product comparison!