Nuevu
101 reseñes de lliteratura asturiana
Marta Mori
979-13-88149-40-5
- Edición: Primera
- Páxines: 256
- Fecha de publicación: 12/08/2026
- Formatu: 14 x 21,5 cm
- Idioma: Asturianu
16,00 €
Lleer les reseñes de Marta Mori nun ye namás la oportunidá de conocer la so visión sobre un llibru, sinón una forma de poder facer darréu una llectura muncho más sollerte y arriquecedora.
«La conocencia fonda que tien de la lliteratura asturiana y, al empar, de la lliteratura universal, dexa que Marta Mori dea siempre coles claves qu’a otros, menos duechos na cuestión, puen pasanos desapercibíes na llectura d’obres más complexes o con delles interpretaciones posibles. Lleer les reseñes de Marta Mori nun ye namás la oportunidá de conocer la so visión sobre un llibru, sinón una forma de poder facer darréu una llectura muncho más sollerte y arriquecedora. Porque Mori, ensin dexar de ser didáctica (la profesión de docente rescampla), llogra dar con cada reseña una verdadera llección maxistral en poques pallabres, nesti xéneru tan complicáu y munches vegaes desagradecíu», Inaciu Galán.
Marta Mori (Xixón, 1965) ye llicenciada y doctora en Filoloxía Hispánica pola Universidá d’Uviéu y miembru de númberu de l’Academia de la Llingua Asturiana. Como poeta diose a conocer nel 2002 con Pórticu, poemariu al que siguieron El tiempu de la espera (2005), L’alcordanza (2010), La mio voz (2011), Orfandá (2019) y Los carreros del tiempu (2023). Como narradora axuntó dellos rellatos n’Histories familiares (2008) y participó nel volume colectivu Hestories pa contales. Más nomes de muyer (2017). Y como traductora publicó El cementeriu marín de Paul Valéry (2018) y Cacofonía de Ken Bugul (2024). Estudiosa de la llingua y la lliteratura asturiana tien publicaos dellos trabayos rellacionaos con estes temátiques, de los que dellos tán nel volume Notes de lliteratura asturiana (2022). Amás, coordina en xunto con Xosé Ramón Iglesias Cueva la segunda edición de la Historia de la lliteratura asturiana de la que, editada pola Academia de la Llingua Asturiana, salió nel 2024 el primer tomu. D’hai un tiempu vien faciendo de reseñista de llibros nel suplementu «Cultura» del diariu La Nueva España y na revista Lliteratura, de la que ye directora. 101 d’eses reseñes son les que conformen esti llibru.
Productos asemeyaos
