![Xeneraciones y dexeneraciones [sobre lliteratura asturiana]. Volume I](https://tienda.trabe.org/270-large_default/xeneraciones-y-dexeneraciones-sobre-lliteratura-asturiana-volume-i.jpg "Xeneraciones y dexeneraciones [sobre lliteratura asturiana]. Volume I")
![Xeneraciones y dexeneraciones [sobre lliteratura asturiana]. Volume I](https://tienda.trabe.org/270-thickbox_default/xeneraciones-y-dexeneraciones-sobre-lliteratura-asturiana-volume-i.jpg "Xeneraciones y dexeneraciones [sobre lliteratura asturiana]. Volume I")
Xeneraciones y dexeneraciones [sobre lliteratura asturiana]. Volume I
Antón García
84-8053-419-2
- Edición: Primera
- Páginas: 294
- Fecha actualización: 29/12/2009
- Tamaño: 14 x 21,5 cm
- Idioma: en llingua asturiana
15,00 € impuestos inc.
impuestos inc.
Esti primer volume recueye los estudios sobre lliteratura asturiana qu´abarquen d´Antón de Marirreguera a Fernán-Coronas.
El llector tien nes manes el primer tomu de lo que va ser una completa historia de la lliteratura asturiana, esplicada al mesmu tiempu dende estremaes perspectives: faciendo'l relatu vital y bibliográficu de los princiaples autores, analizando tendencies cratives, proponiendo periodos que permitan estructurar los cinco siglos de la so historia o revisando dalgunos de los factores qu'influyen na difusión de les obres asturianes.
Antón García recueye equí una parte de los testos que sobre lliteratura asturiana foi escribiendo a lo llargo de les tres últimes décades, y que van dende l'artículu meramente divulgativu a los estudios académicos, dende les conferencies a los prólogos publicaos al frente de les ediciones qu'avió de dalgunos de los nuesos más importantes autores. Dexa fuera, sicasí, una de les sos aportaciones más conocíes, Lliteratura asturiana nel tiempu, publicada en 1994 y que tuvo varies reimpresiones, una antoloxía xeneral que cuenta revisar, actualizar y volver a publicar como obra independiente.
Reunir nesti volume trabayos yá inatopables o inéditos, ordenaos de los xeneral a lo particular, intentando siguir un orde cronolóxicu na materia d'estudiu (desatendiendoi la fecha na que s'escribió cada artículu) permite poner nuevamente al algame del llector interesáu dalgunes de les fontes nes que bebieron, a vegaes ensin citar, unos cuantos estudiosos de la lliteratura asturiana.
Antón García nació en Tuña en 1960. Poeta y narrador, foi creador y responsable demientres muchos años d'Ediciones Trabe. La so novela Díes de muncho, tamién traducida al español, lleva varies ediciones n'asturianu. Ta acabante salir una recopilación de la so poesía, baxo'l títulu La mirada aliella (poesía reunida 1981-2006).
Productos relacionados
